သျှမ်းပြည်မြောက်ပိုင်း မူဆယ်မြို့နယ်နှင့် ၄င်းနှင့်ဆက်စပ်ကာ မန္တလေးမြို့တို့တွင် ငွေကျပ်သိန်း ပေါင်း ၆၅၀၀ တန်ဖိုးရှိဘိန်းဖြူ များ  ဖမ်းဆီးရမိကြောင်း စုံစမ်းသိရှိရသည်။

 ဒီဇင်ဘာ ၁၁ ရက် နေ့လည် ၁ နာရီအချိန်ခန့်က  မူးယစ်ဆေးဝါးတားဆီးနှိမ်းနင်းရေးတပ်ဖွဲ့မှ မူဆယ် – မန္တလေး ကားလမ်းကို စောင့်ဆိုင်းစစ်ဆေးရာ  မူဆယ်မှ ယောဟန်(၂၈) နှစ်  မောင်းနှင်လာသောကားအတွင်း  ရေပူ၊ရေအေးစက် စက္ကူဂျပ်ဖာများအတွင်း၌   ဘိန်းဖြူ ၉ ကီလိုခန့် သိမ်းဆည်းရမိခဲ့ကြောင်း သိရသည်။

ယောဟန်ထံမှ စစ်ဆေးသိရှိချက်အရ   မန္တလေးမြို့တွင် ကျော်ကျော်စိုးနှင့် ကျော်ဇင်ဝိုင်းဆိုသူများက စောင့်ဆိုင်းလက်ခံမည်ဖြစ်ကြောင်း သိရသည်။

တာ၀န်ရှိမူးယစ်ရဲများက မန္တလေးမြို့ရှိ ကျော်ကျော်စိုးနှင့် ကျော်ဇင်ဝိုင်းတို့နေအိမ်အား   ၀င်ရောက်စစ်ဆေးရာတွင် လူမတွေ့ရှိဘဲ    ဘိန်းဖြူ ၈ ဒသမ ၆ ကီလို ကိုသာသိမ်းဆည်းရမိကြောင်းသိရသည်။

ထို့ကြောင့် အဆိုပါ ၂ နေရာတွင် ဖမ်းဆီးရမိသောဘိန်းဖြူများမှာ စုစုပေါင်းတန်ဖိုးငွေ ကျပ်သိန်း ၆၅၀၀ ကျော်ရှိကြောင်း သိရသည်။

၄င်းဖမ်းဆီးရမိမှုတွင် မူးယစ်ဆေးသယ်ဆောင်သူ ယောဟန်တဉီးတည်းကိုသာဖမ်းဆီးမိနိုင်ခဲ့ပြီးလက်ရှိတွင်ဆပ်စပ်သူများဖြစ်သော ဘောက်လာ (ခ) မိုးတိမ် (၂၇) နှစ်၊ ကျော်ကျော်စိုး (၁၇) နှစ်၊ ကျော်ဇင်ဝိုင်း (၁၇) နှစ်တို့ကိုမူ ဖမ်းဆီးနိုင်ခြင်းမရှိသေးကြောင်းသိရသည်။