သျှမ်းပြည်တောင်ပိုင်းတောင်ကြီးမြို့ မင်္ဂလာဦးရပ်ကွက်တွင် ကျန်းမာရေးမှထုတ်ပြန်ထားသော ဒီဇင်ဘာ ၁၃ ရက်နေ့တွင်ပြီးဆုံးမည့် Stay Home ကာလ   ဒေသခံများစားသောက်ရေးခက်ခဲနေကြောင်းသိရသည်။

မင်္ဂလာဦးရပ်ကွက်တွင် နိုဝင်ဘာ ၁၉ ရက်နေ့မှ စတင်ဖွင့်လှစ်သည့် Quarantine စင်တာတွင်  ၀င်ထားသူစုစုပေါင်း ၁၁၃ ဦးအနက် ဒီဇင်ဘာ ၉ ရက်နေ့အထိ   ၄၅ ဦးကျန်မည်ဖြစ်ကြောင်းသိရသည်။   

“  ကျနော်တို့ရပ်ကွက်မှာ Quarantine စင်တာစဖွင့်ချိန်ကနေခုထိ ကွာရတင်း၀င်သူစုစုပေါင်း  ၁၁၃ ယောက်ရှိပြီဖြစ်ပါတယ်။  ကွာရတင်းအခန်း  ၁၅ ခန်းရှိပါတယ်။ တစ်ခန်းကို ၆ယောက်ထားပါတယ်။ ရက်ပြည့်တဲ့သူတွေထွက်သွားပြီး ဒီနေ့ထိကတော့ ၄၅ ယောက်ကျန်ပါတယ်” ဟု မင်္ဂလာဦးရပ်ကွက် အုပ်ချုပ်ရေးမှူး ဦးခွန်ထွန်းဝေက သျှမ်းသံတော်ဆင့်ကို ပြောသည်။

  Quarantine Center ဝင်နေသူများအတွက် အခက်ခဲမရှိ  ဟုဆိုသော်လည်း Stay home ရပ်ကွက်ပြည်သူများအတွက် အခက်ခဲအနည်းငယ် ရှိကြောင်း သိရသည်။

“ Quaratine စင်တာမှာကတော့ စားသောက်မှုတွေကလုံလောက်မှုရှိတယ်။ Stay Home နေကြတဲ့ရပ်ကွက်သူတွေကတော့ ကျနော် တို့ဖက်ကနေပြီးတော့ မထောက်ပံ့နိုင်ဘူး။ ဒါပေ့မဲတော့ မြို့ဦးကျောင်းမှာက‌တော့ ဆန်၊ဆီ၊ဆား၊ကုလားပဲ၊ကြက်သွန်နီပစ္စည်း ၅ မျိုးနဲ့တော့ထောက်ပံ့တာပေါ့” ဟု ဉီးခွန်ထွန်းဝေ ကပြောသည်။

မင်္ဂလာဉီးရပ်ကွက်တွင်  နိုဝင်ဘာ ၁၇ ရက် ဂိမ်းဆိုင်မှ တစ်ဆင့်မှ  ကိုဗစ် ၁၉ အတည်ပြုလူနာ ၁၇ ဦးထိ ပြန့်ပွါးတွေ့ရှိခဲ့ကြောင်းသိရသည်။ ထိုအတွက် မင်္ဂလာဉီးရပ်ကွက်အားနိုဝင်ဘာ ၂၉ ရက်နေ့မှစပြီး Stay Home ကာလ အဖြစ်သတ်မှတ်ခဲ့ပြီး လာမည့် ဒီဇင်ဘာ ၁၃ ရက်နေ့မှသာ  Stay Home ကာလ ပြီးဆုံးမည်ဖြစ်ကြောင်းသိရသည်။