သျှမ်းပြည်တောင်ပိုင်းရှိ ပြည်သူ့ကျန်းမာရေး ဓါတ်ခွဲမှုဆိုင်ရာ ဌာန (တောင်ကြီး) မှ ဓါတ်ခွဲနမူနာ စုစုပေါင်း (၆၆၀)ကျော် စစ်ဆေးသွားမည်ဖြစ်ကြောင်း ထုတ်ပြန်ချက်အရ သိရသည်။
ယနေ့ ဒီဇင်ဘာ (၇) ရက်တွင် ပို့ဆောင်ထားသည့် သျှမ်းပြည်တောင်ပိုင်းမှ မြို့နယ်များ၊ သျှမ်းပြည်အရှေ့ပိုင်းမှ မြို့နယ်များ နှင့် ကယားပြည်နယ်မှ မြို့နယ်များ ပါဝင်ထားကြောင်း သိရသည်။
အဆိုပါ ဓါတ်ခွဲနမူနာ (၆၆၆) ကျော်သည် သျှမ်းပြည်တောင်ပို်င်း စဝ်စံထွန်းဆေးရုံ (၁) ဦး၊ အမျိုးသမီး နှင့် ကလေးဆေးရုံကြီး (တောင်ကြီး) ၂၇ ဦး၊ သျှမ်းပြည်အရှေ့ပိုင်း တာချီလိတ် (၂၈၆) ဦး၊ ကျိုင်းတုံ (၇၀)ဦး၊ မိုင်းပျဉ်း (၃) ဦး၊ နားဖန်း (၃၂) ဦး၊ မက်မန်း (၅) ဦး၊ မိုင်းဖြတ် (၂၃) ဦး၊ ကယားပြည်နယ်မှ လွိုင်ကော် (၁၃၄) ဦး၊ ဒီမော့ဆို (၂၆) ဦး၊ ဘောလခဲ (၅၆) ဦး၊ ဖရူဆို (၁) စုစုပေါင်း (၆၆၆) ဦးတို့သည် ပြည်သူ့ ကျန်းမာရေး ဓါတ်ခွဲမှုဆိုင်ရာ ဌာန (တောင်ကြီး) တွင် လက်ခံရရှိကြောင်း ပြည်သူ့ကျန်းမာရေး ဓါတ်ခွဲမှုဆိုင်ရာ ဌာန (တောင်ကြီး) က ထုတ်ပြန်ထားသည်။
၄င်းတို့ ဓါတ်ခွဲနမူနာ အားလုံးကို ဒီဇင်ဘာ (၈) ရက် ည (၈) နာရီချိန်တွင် ထုတ်ပြန်သွားမည်ဖြစ်ကြောင်း သိရသည်။
ဒီဇင်ဘာ ၆ ရက်အထိ မြန်မာနိုင်ငံတွင် ကိုဗစ်-၁၉ အတည်ပြုလူနာ (၉၉၁၅၅) ဦး၊ သေဆုံးသူ (၂၁၁၀) ဦး နှင့် ပြန်လည်ကောင်းမွန်လာသူ (၇၄၆၃၆) ဦးတို့ ရှိကြောင်း ကျန်းမာရေး နှင့် အားကစားဝန်ကြီးဌာန ထုတ်ပြန်ချက်အရ သိရသည်။
Leave a Comments