သျှမ်းပြည်မြောက်ပိုင်းတွင် ကိုဗစ်-၁၉ ဦးရေ မြင့်တက်လာ သော်လည်း ပြည်သူများ ပုံမှန်သွားလာမှု ရှိနေဆဲ ဟု စုံစမ်းသိရသည်။
လက်ရှိ သျှမ်းပြည် မြောက်ပိုင်း တွင် ကိုဗစ်-၁၉ စတင်တွေ့ရှိသည့် မတ်လ နှောင်းပိုင်းကစပြီး ယနေ့ချိန်ထိ စုစုပေါင်း (၈၄)ဦး ထိရှိပြီး၊ ထိုထဲတွင် ဆေးရုံဆင်းသူ (၅၈)ဦးရှိကာ ကိုဗစ်-၁၉ လူနာတဦးသေဆုံးခဲ့ကြောင်း သိရသည်။
ကိုဗစ်-၁၉ ကူးစက်မှုနှုန်းမြင့်တက်လာသော်လည်း သျှမ်းမြောက်ပြည်သူများအနေဖြင့် ပုံမှန် လှုပ်ရှားသွားလာနေဆဲ ဟုလည်း သျှမ်းမြောက်ပြည်သူများကပြောသည်။
“ လားရှိုးမှာတော့ စုစုပေါင်း ၁၇ဦးရှိတယ်။ အခု ဆေးရုံတက်နေသူ (၇)ဦးရှိပါတယ်။ ကျန်တာ ဆေးရုံဆင်းသွားပြီ” ဟု လားရှိုးဆေးရုံ မှ ဒေါက်တာ ဉာဏ်မြင့် က သျှမ်းသံတော်ဆင့်ကို ပြောသည်။
မူဆယ်မြို့တွင်လည်း ကိုဗစ်-၁၉ အတည်ပြုလူနာ (၃၃) ဦးရှိခဲ့သော်လည်း ယနေ့ ( ဒီဇင်ဘာ ၂ ရက်)တွင် ကိုဗစ် အတည်ပြုလူနာ ၁ ဦးဘဲကျန်ရှိကြောင်းသိရသည်။
“ လူနာကတော့ ၁ယောက်ဘဲကျန်ပါတယ်။ ၃၃ ယောက်ရှိတယ်။ ၃၂ ယောက်ကတော့ ဆင်းသွားပြီး။ ကျန်တဲ့တစ်ယောက်ရဲ ကျန်းမားရေးခြေနေကောင်းတယ်” ဟု မူဆယ်မြို့ဆေးရုံကြီး ဒေါက်တာဟန်နိင်စိုး က သျှမ်းသံတော်ဆင့်ကို ပြောသည်။
အဆိုပါ ပိုးတွေ့လူနာ ကျဆင်းသွားသော်လည်း ပြည်သူများအနေဖြင့် သွားလာမှူပုံမှန်ရှိနေပြီ တချို့သော စားသောက်ဆိုင်များတွင် ထိုင်စား စနစ်ဖြင့်ပြန်လည်ရောင်းချနေပြီး ဖြစ်ကြောင်း မူဆယ်ဒေသခံများ ပြေပြချက် အရ သိရသည်။
“ ပုံမှန်ဘဲသွားလာနေတယ်။ ဆိုင်တချို့တွေကတော့ ထိုင်စားတာလဲရှိတယ်။ စိုးရိမ်မှုကတော့ သိပ်မရှိကြတော့ဘူး။ ကိုယ်မြို့နယ်ကလူ မဟုတ်ဘဲ တစ်ခြားမြို့နယ်က လာရင်တော့ စိတ်ပူရတာပေါ့” ဟု စိုင်းမြတ်အောင်ကပြောသည်။
လက်ရှိမှာ မူဆယ်မြို့နယ်တွင် Quarantine ဝင်နေသူ ၄၇ ဦးရှိနေသေးကြောင်း မူဆယ်မြို့ဂရုဏာလူမှူကူညီးရေး အသင်း ဦးသောင်းထွန်း ကပြောသည်။
“ မူဆယ်မြို့မှာ ကိုဗစ် ကျသွားတယ်ဆိုပေ့မယ့်ပြည်သူတွေကတော့ ကျန်းမားရေးလိုက်စားတာနည်းတယ်။ အပြင်ထွက်ရင်လဲ mask( နှာခေါင်းစည်း) ကိုမတပ်ကြတော့ဘူး” ဟု ဦးသောင်းထွန်းက ထပ်လောင်းပြောသည်။
မူဆယ်မြို့တွင် ကိုဗစ် ၁၉ အတည်ပြုလူနာကျဆင်းသွားသော်လည်း ဆရာဝန်များ နှင့် ပရိဟိတ အဖွဲ့များက ကိုဗစ် ၁၉ ဆက်မပြန်ပွားအောင် စည်းကမ်းလိုက်နာစေချင်ကြောင်း အကြုံပြုထားသည်။
မြန်မာနိုင်ငံတဝှမ်း ဒီဇင်ဘာ ၁ရက် ည ၈ နာရီထုတ်ပြန်ချက်အရ အထိ ကိုဗစ်-၁၉ အတည်ပြုလူနာ စုစုပေါင်း ( ၉၂၁၈၉ ) ဦးရှိပြီး ဆေးရုံဆင်းလူနာ (၇၁၃၄၃) ဦးနှင် သေဆုံးလူနာ (၁၉၇၂) ဦးရှိကြောင်း ကျန်းမားရေးနှင့် အားကစားဝန်ကြီး ဌာနထုတ်ပြန်ချက်အရသိရသည်။
