၂၀၂၀ ပါတီစုံ ဒီမိုကရေစီအထွေထွေရွေးကောက်ပွဲမှာ မြန်မာနိုင်ငံတွင်းရှိ မဲဆန္ဒနယ် စုစုပေါင်း (၁၁၁၇) နေရာ ရွေးကောက် နိုင်ခဲ့ကြောင်း ပြည်ထောင်စု ရွေးကောက်ပွဲ ကော်မရှင် က ထုတ်ပြန်ကြောညာခဲ့သည်။
နိုင်ဝင်ဘာ (၁၅) ရက်တွင် ပြည်ထောင်စု ရွေးကောက်ပွဲ ကော်မရှင် ထုတ်ပြန်ချက်အရ ၂၀၂၀ ပါတီစုံ ဒီမိုကရေစီရွေးကောက်ပွဲမှ တစ်နိုင်ငံလုံး အတိုင်းအတာဖြင့် ပြည်သူ့လွှတ်တော် မဲဆန္ဒနယ် (၃၁၅) နယ်၊ အမျိုးသားလွှတ်တော် မဲဆန္ဒနယ် (၁၆၁) နယ် ၊ တိုင်းဒေသကြီး နှင့် ပြည်နယ် လွှတ်တော် မဲဆန္ဒနယ် (၆၁၂) နယ်၊ တိုင်းဒေသကြီး လွှတ်တော် နှင့် ပြည်နယ် လွှတ်တော် တိုင်းရင်းသား လူမျိုးမဲဆန္ဒနယ် (၂၉) နယ် စုစုပေါင်း မဲဆန္ဒနယ် (၁၁၁၇) နယ် ရွေးကာက်နိုင်ခဲ့ကြောင်း ဆိုပါသည်။
၂၀၂၀ ပါတီစုံ ဒီမိုကရေစီအထွေထွေရွေးကောက်ပွဲတွင် ဝင်ရောက်ယှဉ်ပြိုင်မည့် ပါတီပေါင်း (၉၃) ပါတီ စာရင်းတင်သွင်းထားရာ ၎င်းတို့အနက် (၂) ပါတီ ပယ်ဖျက်ခံခဲ့ရသည်။ ထို့ပြင်ရွေးကောက်ပွဲ ကျင်းပခွင့် ပိတ်ထားခြင်းခံရသည့်နယ်မြေများမှ (၄) ပါတီ ဝင်ရောက် ယှဉ်ပြိုင်ခွင့်မရသဖြင့် ရွေးကောက်ပွဲတွင် တနိုင်ငံလုံး အတိုင်းအတာဖြင့် စုစုပေါင်း (၈၇) ပါတီသာ ဝင်ရောက်ယှဉ်ပြိုင်ခွင့်ရှိကြောင်း သိရသည်။
၂၀၂၀ ရွေးကောက်ပွဲတွင် ဝင်ရောက်ယှဉ်ပြိုင်ရန်အမည်စာရင်းသွင်းထားသည့် လွှတ်တော်ကိုယ်စားလှယ်လောင်း (၅၆၃၉) ဦးရှိရာ ပြည်သူ့လွှတ်တော် မဲဆန္ဒနယ် (၁၅၆၅) ဦး၊ အမျိုးသား လွှတ်တော် မဲဆန္ဒနယ် (၇၇၉) ဦး၊ တိုင်းဒေသကြီး နှင့် ပြည်နယ် လွှတ်တော် မဲဆန္ဒနယ် (၃၁၁၂) ဦး၊ တိုင်းဒေသကြီး နှင့် ပြည်နယ် လွှတ်တော် တိုင်းရင်းသား လူမျိုးမဲဆန္ဒနယ် (၁၈၃) ဦး ဝင်ရောက်ယှဉ်ပြိုင်ခဲ့သည်။
၂၀၂၀ ပါတီစုံ ဒီမိုကရေစီအထွထွေရွေးကောက်ပွဲမှာ မဲပေးပိုင်ခွင့်ရှိသူ စုစုပေါင်း (၃၇) သန်းကျော်ရှိပြီး မဲရုံပေါင်း (၃၉၀၀၀) ကျော် ရှိကြောင်း သိရသည်။