သျှမ်းပြည်မြောက်ပိုင်း ကွတ်ခိုင်မြို့နယ်တွင် ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီ ( USDP) မှ ၃ နေရာ နှင့် တအာင်း အမျိုးသားပါတီ (၁)နေရာ အနိုင်ရရှိထားကြောင်း စုံစမ်းသိရှိရသည်။

ကွတ်ခိုင်မြို့နယ် အမျိုးသားလွှတ်တော်နေရာမှာ (USDP) မှ ဦးအောင်ရင် ၊ ပြည်သူ့လွှတ်တော် နေရာတွင် (USDP) မှ ဦးသူရလွင် ၊ မဲဆန္ဒနယ်အမှတ်(၂) နေရာတွင် ( USDP) မှ ဦးနော်အောင် နှင့် မဲဆန္ဒနယ် အမှတ်(၁) နေရာတွင် (TNP) မှ ဦးကြာထွန်း တို့ အနိုင်ရသည်။

ယနေ့ နိုဝင်ဘာ ၁၁ ရက် နေ့လည် ၁၂ နာရီမထိုးခင်မှာ ကွတ်ခိုင်မြို့နယ် ရွေးကောက်ပွဲ ကော်မရှင်မှ တရားဝင်ကြေညာပေမယ့် မဲဆန္ဒနယ် အမှတ်(၅) မှာ ဝင်ရောက်ယှဉ်ပြိုင်သည့် SNLD ပါတီ၏ အမျိုးသားလွှတ်တော် ကိုယ်စားလှယ်လောင်း မော်ထွန်းအောင် ကတော့ ပုံစံ (၁၉ ) လက်မှတ်ရေးထိုးခဲ့ခြင်း မပြုပေ။

ကွတ်ခိုင်မြို့နယ်မှာ ရှမ်းတိုင်းရင်းသားများ ဒီမိုကရေစီအဖွဲ့ချုပ် ( SNLD) ၊ ရှမ်းတိုင်းရင်းသားများ ဒီမိုကရက်တစ်ပါတီ ( SNDP)၊ ပြည်ထောင်စု ကောင်းကျိုးဆောင်ပါတီ ( UBP) ၊ အမျိုးသားဒီမိုကရေစီအဖွဲ့ချုပ် ( NLD) ၊ ကချင်အမျိုးသားပါတီ ( KNP) ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ( USDP) နှင့် တအောင်းအမျိုးသားပါတီ ( TNP) တို့ ဝင်ရောက်ယှဉ်ပြိုင်ခဲ့ကြသည်။