သျှမ်းပြည်တောင်ပိုင်း ကျိုင်းတုံမြို့နယ် မဲဆန္ဒနယ် အားလုံးတွင် အမျိုးသားဒီမိုကရေစီအဖွဲ့ချုပ်မှ အပြတ်အသတ် အနိုင်ရရှိသွားကြောင်း စုံစမ်းသိရှိရသည်။
ကျိုင်းတုံမြို့နယ် အမျိုးသားလွှတ်တော်နေရာတွင် NLD ပါတီမှ စိုင်းဝန်းဆိုင်၊ ပြည်သူ့လွှတ်တော်နေရာတွင် NLD ပါတီမှ စိုင်းဝန်း ၊ ကျိုင်းတုံမြို့နယ် မဲဆန္ဒနယ်အမှတ်(၁) မှ ဦးကျော်သီဟ ၊ မဲဆန္ဒနယ်အမှတ်(၂) မှ ဒေါက်တာဝဏ္ဏစိုး တို့ အနိုင်ရရှိသွားကြောင်း သိရသည်။
“ကျနော်တို့ နိုင်ထားတာဟုတ်ပါတယ်။ ဒါပေမယ့် UEC ကတော့ တရားဝင် မကြေညာသေးဘူး။ UEC ကြေညာမှ တရားဝင် ဖြစ်မှာပေါ့နော်။” ပြည်သူ့လွှတ်တော် ကိုယ်စားလှယ်လောင်း စိုင်းဝန်း က သျှမ်းသံတော်ဆင့် ကိုပြောသည်။
ထို့ကြောင့် ကျိုင်းတုံမြို့နယ် မဲဆန္ဒနယ် အားလုံးကို NLD မှ အနိုင်ရရှိသွားသော်လည်း လက်ရှိ ချိန်ထိ ပြည်ထောင်စု ရွေးကောင်ပွဲ ကော်မရှင် (UEC) မှ တရားဝင် မကြေညာသေးပေ။
ပြီးခဲ့သည့် ၂၀၁၅ ခုနှစ် အထွေထွေရွေးကောက်ပွဲကာလတွင် ကျိုင်းတုံမြို့နယ် လွှတ်တော် ၃ ရပ်လုံးသည် ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီ ( USDP) က အနိုင်ရရှိခဲ့သည်။
