Sunday, July 14, 2024

နမ္မတူမြို့နယ်တွင် SNLD နေရာ ၂ ခု မဲနိုင်ထား

Must read

သျှမ်းပြည်မြောက်ပိုင်း နမ္မတူမြို့နယ်တွင် ယှဉ်ပြိုင်သော ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) မှ ၂ နေရာ မဲနိုင်ထားကြောင်း စုံစမ်းသိရှိရသည်။

နမ္မတူမြို့နယ် ပြည်သူ့ လွှတ်တော် နေရာတွင် SNLD ပါတီမှ နန်းခမ်းအေး နှင့် ပြည်နယ်မဲဆန္ဒနယ် အမှတ်(၂) မှ စိုင်းကျော်ညွှန့် တို့ အနိုင်ရရှိသွားကြောင်း သိရသည်။

“၄ နေရာမှ ကျနော်တို့ ၂ နေရာပဲ အနိုင်ရတယ်။ မဲဆန္ဒနယ် အမှတ်(၁)တော့ ကျနော်တို့ ရှုံးသွားပြီ။ NLD အနိုင်ရသွားပါတယ်။ ကျန်တဲ့ အမျိုးသား လွှတ်တော်နေရာကတော့ နမ္မတူမှာတော့ ကျနော်တို့ အသာစီးနေပေမယ့် ကျန်တဲ့ မြို့နယ်တွေမှာ အဖြေမသိရသေးတော့ အမျိုးသား လွှတ်တော်နေရာမှာ တော့ ပြောလို့ မရသေးဘူး” ဟု မဲဆန္ဒနယ် အမှတ်(၂) ကိုယ်စားလှယ်လောင်း စိုင်းကျော်ညွှန့် က သျှမ်းသံတော်ဆင့် ကိုပြောသည်။

နမ္မတူမြို့နယ် ပြည်သူ့လွှတ်တော်နေရာတွင် ရှမ်းတိုင်းရင်းသားများ ဒီမိုကရေစီအဖွဲ့ချုပ် ( SNLD) ပါတီမှ ဒေါ်နန်းခမ်းအေး၊ ပြည်နယ် မဲဆန္ဒနယ် အမှတ်(၁) နေရာတွင်လည်း (SNLD) ပါတီမှ စိုင်းကျော်ညွှန့် နှင့် ပြည်နယ် မဲဆန္ဒနယ် အမှတ်(၂) တွင် အမျိုးသား ဒီမိုကရေစီအဖွဲ့ချုပ် ( NLD) ပါတီ မှ ဦးဝင်းလှိုင် ခေါ် ဦးမဲသူ က အနိုင်ရရှိသွားကြောင်း ရွေးကောက်ပွဲ ကော်မရှင် ဥက္ကဋ္ဌ ဦးမင်းဇော် က သျှမ်းသံတော်ဆင့် ကိုပြောသည်။

“လက်ရှိအခြေနေပေါ့နော်။ ကျနော်တို့ မြို့နယ် ရွေးကောက်ပွဲ ကော်မရှင်ကတော့ စာရင်းဇယားတွေ လုပ်နေတော့ တရားဝင်တော့ မထုတ်ရသေးဘူး။ပုံစံ (၁၉ ) စာတွေ ထွက်ဖို့တော့ ပြင်နေပါပြီခင်ဗျာ” ဟု နမ္မတူမြို့နယ် ရွေးကောက်ပွဲကော်မရှင် ဥက္ကဋ္ဌ ဦးမင်းဇော် က သျှမ်းသံတော်ဆင့် ကိုပြောသည်။

ထို့ကြောင့် နမ္မတူမြို့နယ် မဲဆန္ဒနယ် (၂) နေရာသည် SNLD မှ အနိုင်ရရှိသွားပေမယ့် လက်ရှိချိန်ထိ ပြည်ထောင်စု ရွေးကောက်ပွဲ ကော်မရှင် ( UEC) မှ တရားဝင် မကြေညာသေးပေ။

Leave a Comments

- Advertisement -spot_img

Latest article