သျှမ်းပြည်မြောက်ပိုင်း ကွတ်ခိုင်မြို့တွင် အစ်ကိုဖြစ်သူ ခရီးလွန်သဖြင့် အသက်မပြည့်သည့် ညီဖြစ်သူက အကို ဖြစ်သူကိုယ်စား မဲသွားပေးခဲ့သည်ဟု ဒေသအတွင်းသတင်းရပ်ကွက်မှ သိရသည်။
ကွတ်ခိုင်မြို့ အမှတ် ၇ ရပ်ကွက် မဲရုံ ၂ တွင် မြန်မာနိုင်ငံသား မှတ်ပုံတင်ကိုင်ဆောင်ထားသူ တရုတ် အမျိုးသားတဉီးက ခရီးလွန်သဖြင့် အသက် ၁၅ နှစ် အရွယ် ညီဖြစ်သူက အစ်ကိုဖြစ်သူ၏ မှတ်ပုံတင်ကိုင်ဆောင်ကာ အစ်ကိုကိုယ်စား သွားရောက် မဲပေးခဲ့ သည်ဟုသိရသည်။
“ဒီကိစ္စက ဟုတ်မှန်တယ်။ ပြည်သူ့လွှတ်တော်ပုံးမှာ မဲသွားပေးပြီ၊ သူ့အစ်ကိုအစားမဲလာထည့်ပေးတာတဲ့ အ သက် က ၁၅ နှစ်ဘဲ ရှိသေးတယ်။ သူ့အစ်ကိုက တရုတ်ပြည်မှာ အလုပ်သွားလုပ်တာတဲ့။ ကျနော့အမြင် က ခိုင်းတဲ့အဖွဲ့အစည်း မရှိရင် မလာရဲဘူးထင်တယ်။ ကျနော်တို့ ထပ်စိစစ်သွားပါ့မယ်၊ ဒီအမှုတော့ ကော်မ ရှင်ထံ အပ်ထားပြီ” – ကျားခေါင်းပါတီ ပြည်သူ့လွှတ်တော် ကိုယ်စားလှယ်လောင်း စိုင်းပြည့်ဖြိုးကျော် က ပြောသည်။
အဆိုပါကိစ္စနှင့်ပတ်သက်၍ ကွတ်ခိုင်မြို့နယ် ရွေးကောက်ပွဲကော်မရှင် ဉက္ကဌ ဉီးဂျေလဆမ်က ဟုတ်မှန် ကြောင်း အတည်ပြုပါသည်။ အသေးစိတ်သိရှိရန် မြို့နယ် ကော်မရှင်အတွင်းရေးမှူး ဒေါ်တောင်ဂျာခေါန် အားဆက်သွယ်သော်လည်း ဖုန်းမအားပေ။
