မူဆယ်မြို့နယ်အတွင်း စစ်အင်အားအပြည့်တင်စစ်ကား အစီးရေ ၂၀ ကျော်ဖြတ်သန်း

0

သျှမ်းပြည်မြောက်ပိုင်း မူဆယ်မြို့နယ်အတွင်း အစိုးရ တပ်မတော်၏ စစ်ကား အစီးရေ ၂၀ ကျော် စစ်အင်အားနှင့် ရိက္ခာ အပြည့်တင်ဆောင်ကာ ဖြတ်သန်းသွားကြောင်း စုံစမ်းသိရသည်။

နိုဝင်ဘာ ၃ ရက် ယနေ့ နေ့လည်ပိုင်းက စစ်အင်အားများနှင့်ရိက္ခာများ တင်ဆောင်သည့် စစ်ကားများသည် မူဆယ်မြို့ကိုဖြတ်ကာ စယ်လန့်ကျေးရွာဘက်သို့ သွားချထားခဲ့ကြောင်း မူဆယ်မျက်မြင်ဒေသခံများက ပြောသည်။

“ မူဆယ်မြို့လယ်ကို ၁၀ စီးဖြတ်တယ်။ မူဆယ်မြို့ပတ်လမ်းဘက်ကနေ ၁၀ စီးဖြတ်တယ်။ အဲ့ကနေ ပြီးတော့ စယ်လန့် ဘက်ကို သွားတယ်။ စစ်သားတွေ ရိက္ခာတွေချပြီး ပြန်သွားတယ်” ဟု မျက်မြင်ဒေသခံ အသက် ၄၀ ဝန်းကျင် အမျိုးသားက ပြောသည်။

၂၀၂၀ အထွေထွေရွေးကောက်ပွဲ ကျင်းပရန် ၄ ရက်သာ ကျန်ရှိသည့်အချိန်တွင် စစ်သားများ သယ်ဆောင်လာသည့် ကားများသည် မူဆယ်မြို့နယ်အတွင်းသို့ ဖြတ်သန်းလာသည်မှာ စဉ်းစားစရာဖြစ်ကြောင်း လည်း ၎င်း က ပြောသည်။

“ စစ်ကား အစီးရေ ၂၀ စီးမှာ စစ်အင်အား ဘယ်လောက်ပါလာလဲတော့မသိဘူး။ ရွေးကောက်ပွဲလည်း နီးပြီဆိုတော့ စိုးရိမ်စရာတော့ ဖြစ်တာပေါ့” ဟု မူဆယ်ဒေသခံ တဦးက ပြောသည်။

မူဆယ်ခရိုင် တာမိုးညဲမြို့နယ် အတွင်းတွင်လည်း အသက် (၆၀) အထက် သက်ကြီးရွယ်အိုများ ကြိုတင်မဲပေးရာတွင် ဖိအားပေးပြီး မိမိဆန္ဒမဲမပေးခဲ့ရကြောင်း လည်း ရှိသည်။

.

Leave a Comments

SHARE