သျှမ်းပြည်တောင်ပိုင်း ဆီဆိုင်မြို့ နယ် ဘန်းယဉ်ကျေးရွာ တွင် ယနေ့ (အောက်တိုဘာ ၂၂)ရက် ညနေ ၆နာရီဝန်းကျင်တွင် PNO ပါတီ မဲဆွယ်စည်းရုံးရေးကား တိမ်းမှောက်ကာ အမျိုးသမီး (၃) ဦး သေဆုံးခဲ့ကြောင်း သတင်းရရှိသည်။
ဖြစ်စဉ်မှာ ပအိုဝ်း အမျိုးသား အဖွဲ့ချုပ် ပါတီ (PNO) သည် ဆီဆိုင်မြို့နယ် ဘန်းယဉ်ကျေးရွာ မှ ညနေ (၆)နာရီ မဲဆွယ်စည်းရုံးေရေး အပြန်တွင် ဘန်းယဉ် တိုက်နယ်ဆေးရုံရှေ့တွင် ကားရှေ့ ဘီးပေါက် သဖြင့် ယာဉ်တိမ်းမှောက်ခဲ့ပြီး၊ အမျိုးသမီး (၃)ဦး သေဆုံးခဲ့ကြောင်း ဆီဆိုင်မြို့ဒေသခံ ဦးစံဝင်းမောင်က သျှမ်းသံတော်ဆင့်ကို ပြောသည်။
“ ကားရှေ့ ဘီးပေါက်ပြီး ကား၂ ပတ် ၊ ၃ပတ်ဝေ့သွားတယ်။ ကားမထိန်းနိုင်တော့လို့ ကားတိမ်းမှောက်သွားတာ။ အမျိုးသမီး ၃ဦး သေဆုံးသွားတယ်။ အခု သူတို့ ရုပ်အလောင်းကိုတော့ ဘန်းယဉ် တိုက်နယ်ဆေးရုံမှာ ထားထားတယ်” ဟု ဦးစံဝင်းမောင် ကဆိုသည်။
ထိုကားတိမ်းမှောက်ရာတွင် အမျိုးသမီး ၃ဦး သည် ပွဲချင်းပြီး သေဆုံးသွားပြီး၊ ၄ဦး ဒဏ်ရာရရှိထားကြောင်း သိရသည်။
အဆိုပါ PNO မဲဆွယ်စည်းရုံးရေး လိုက်ပါလာသည့် သူများသည် ဟိုပုံမြို့နယ် ဒေသခံများဖြစ်ကြောင်း သိရသည်။
Leave a Comments