သျှမ်းပြည်တောင်ပိုင်း တောင်ကြီးမြို့တွင် သီးတင်ကျွတ် လပြည်ည မီးပုံးပျံ လွှတ်တင်ရန် ဖျက်သိမ်းလိုက်ကြောင်း စုံစမ်းသိရှိရသည်။

တောင်ကြီးမြို့သီတင်းကျွတ် လပြည့်ည တွင် မီးပုံးပျံလွှတ်တင်ရန် အစီအစဉ် မရှိတော့ကြောင်း ယနေ့(အောက်တိုဘာ ၂၂)ရက် တောင်ကြီးမြို့ စုပေါင်းရုံး တွင် မီးပုံးပျံလွှတ်တင်မည့်အဖွဲ့ နှင့် တွေ့ဆုံဆွေးနွေးကာ ဆုံးဖြတ်ခဲ့ကြကြောင်း မြို့နယ် အုပ်ချုပ်ရေးမှူး ဦးဖြိုးမင်းထိုက် က သျှမ်းသံတော်ဆင့်ကို ပြောသည်။

“ ဒီကိုဗစ်ကာလမှာတော့ လူစုလူဝေးနဲ မဖြစ်စေချင်ဘူး။ တခြားနေရာဒေသ တွေကပါ မီးပုံးပျံလွှတ်တယ်ဆိုလာကြမှာလေ။ ကိုယ့်ဒေသထဲမှာ ရောဂါကူးစက်ဖို့ အခြေအနေ ပိုများနိင်တယ်လေ” ဟု ဦးဖြိုးမင်းထိုက် ကပြောသည်။

အဆိုပါ မီးပုံးပျံအဖွဲ့များကလည်း သျှမ်းပြည်အစိုးရထံ စာထပ်တင်ထားပြီး ထုတ်ထားသည့် စည်းကမ်းချက်များနှင့်အညီ ဆောင်ရွက်ချင်ကြောင်း ဦးဖြိုမင်းထိုက်ကပြောသည်။

ဆက်လက်ပြီး မီးပုံးပျံလုပ်သည့် အဖွဲ့မှ တာဝန်ရှိသူတဦး က “ အခုက သက်ဆိုင်ရာ ရက်အကန့်သတ်မရှိတော့ ရွှေ့လိုက်ပြီး၊ ကျနော်တို့ကတော့ ပြည်နယ်ကိုတော့ ဆက်တင်ထားတာတော့ရှိတယ်။ လပြည့်ည လွှတ်ရ၊ မလွှတ်ရကိုတော့လာမယ့် ၂၇ ရက်မှာ သိရမယ်”ဟု ပြောသည်။

အဆိုပါ မီးပုံးပျံလွတ်တင်ဖို့ မြို့နယ်အုပ်ချုပ်ရေး ဦးဖြိုမင်းထိုက်က လောဆယ်ခွင့်ပြုထားခြင်းမရှိသေးကြောင်း ပြောသည်။

“ ၆ လသာ ကာလအတွင်း ထိန်းချုပ်ခဲ့တဲ့ကိုဗစ် -၁၉ ကို မီးပုံးပျံပွဲကြောင့် မလိုလားအပ်ဘဲ ကူးစက်မှု မဖြစ်စေချင်ဘူး” ဦးဖြိုးမင်းထိုက် က ဆိုသည်။

မီးပုံးပျံလွှတ်တင်ရန် တောင်ကြီးမြို့ ဒေသခံအမျိုးသား တဦးက “ ဒီချိန်ကတော့ လူစုလူဝေးမဖြစ်စေဖို့ ပွဲလမ်းသဘင် မလုပ်တာတော့ အကောင်းဆုံးပေါ့။ ရိုးရာတော့ ရိုးရာဘဲလေ။ ဒီတနှစ် မလုပ်လိုက်ရလို့လဲ ဘာမဖြစ်သွားဘူး” ဟု သျှမ်းသံတော်ဆင့် ကို ပြောသည်။

ထိုမီးပုံးပျံလွတ်ရန်ကိစ္စကို မလုပ်ဖိုရန်အတွက် သက်ဆိုင်ရာအစိုးရတွေမှာ တာဝန်ယူပြီး ဆောက်ရွက်ပေးစေလိုကြောင်း ၎င်း အမျိုးသားကပြောသည်။

“ အကယ်၍ မီးပုံးပျံကို လွှတ်တင်ဖို့ ခွင့်ပြုမိန့် မရဘဲလွှတ်တင်ခဲ့ပါက သက်ဆိုင်ရာ ဥပဒေနှင့် ဆောက်ရွက်ဖို့ ရှိထားကြောင်း” ဦးဖြိုးမင်းထိုက် က ထပ်လောင်းပြောသည်။

နှစ်စဉ်နှစ်တိုင်း သီးတင်းကျွတ်လပြည့်နေ့ ရောက်တိုင်း လွှတ်တင်ခဲ့သည့် မီးပုံးပျံပွဲသည် ယခုနှစ် ကိုဗစ်-၁၉ ကြောင့် ကျင်းပသွားမည်မဟုတ်ကြောင်း သိရသည်။

ထိုနည်းတူ ကိုဗစ်-၁၉ ကြောင့် ဖောင်တော်ဦး ဒေသစာရီ ကြွချီပူဇော်မှုလည်း မပြုလုပ်ကြောင်းသိရသည်။