သိန္နီမြို့နယ်တွင် လက်နက်၊ခဲယမ်းများ သိမ်းဆည်းရမိ

0

သျှမ်းပြည်မြောက်ပိုင်း သိန္နီမြို့နယ် အတွင်း လက်နက်၊ ခဲယမ်းများ သိမ်းဆည်းရမိ ကြောင်း သတင်းရရှိသည်။

အောက်တိုဘာ ၁၄ရက် ည ၇နာရီခွဲ က မူဆယ်-မန္တလေး ပြည်ထောင်စု ကားလမ်းမပေါ်တွင် အသက် ၂၂နှစ်အရွယ်ရှိ လီစီချီ မောင်းလာသည့် Crown ကားကို စစ်ဆေးရာ လက်နက်ခဲယမ်းများစွာ သိမ်းဆည်းရမိကြောင်း မူးယစ်ရဲတပ်ဖွဲ့ ၏ ထုတ်ပြန်ချက်အရ သိရသည်။

အဆိုပါ ကားပေါ်တွင် သိမ်းဆည်းရမိသည့် လက်နက်များမှာ မောင်းပြန်ရိုင်ဖယ် ၃လက်၊ ကျည်ကဒ်ပါပစ္စတိုသေနတ် ၄လက်၊ M-22 ကျည်ဘောက်၁၅ခု၊ M-22 ကျည် ၁၂၉၀ တောင့်၊ 7.62 ကျည် ၉၀၀ တောင့်၊ ပွိုင့် ၂၂ကျည် ၂၀၀ တောင့်၊ 9 mm ကျည် ၁၀၀ တောင့် တို့ဖြစ်ကြောင်း မူးယစ်ရဲတပ်ဖွဲ့မှ သိရသည်။


ထိုဖမ်းဆီးရမိသည့် လက်နက်များနှင့်အတူ လီစီချီ ကို သိန္နီမြို့မ ရဲစခန်းတွင် ရှမ်းလက်နက် ဥပဒေဖြင့် အမှုဖွင့်ဆောင်ရွက်သွားမည် ဖြစ်ကြောင်းသိရသည်။

ထို့ပြင် ကျိုင်းတုံမြို့နယ် တောင်ကြီး-ကျိုင်းတုံ ကားလမ်း၊ ကျိုင်းဖောင်း ကျေးရွာအနီးရှိ COVID-19 စစ်ဆေးရေး စခန်းတွင် အောက်တိုဘာ ၁၂ရက် မနက်ပိုင်းကကျပ်သိန်း ဘီလီယံရှိ ဘိန်းဖြူများကို သိမ်းဆည်းရမိကြောင်း သိရသည်။


အောက်တိုဘာ ၁၂ရက် မနက် ၉ နာရီတွင် ကိုဗစ်-၁၉ စစ်ဆေးရေး စခန်းတွင် မိုင်းပျဉ်းဘက်မှ ကျိုင်းတုံ ဘက်သို့မောင်းနှင်လာသည့် Vigo အမျိုးအစားယာဉ်ကို တားဆီးစဉ် မရပ်ပေးဘဲ မောင်းနှင်ထွက်ပြေး သဖြင့် ပိတ်ဆို့ ဖမ်းဆီးရာ အသက် ၃၅နှစ် အရွယ်ရှိ ကျဟဲ ၊ အသက် ၁၅နှစ်အရွယ်ရှိ ကျစောတို့ နှင့် အတူ ကျပ်သိန်း (၁.၁.၆၆၄၂၅ ဘီလီယံ) တန်ဖိုးရှိ ဘိန်းဖြူများဖမ်းဆီး ရမိခဲ့သည်။

ထို ဘိန်းဖြူသယ်ဆောင်လာသည့် ကျဟဲ နှင့် ကျစောတို့ကို မူးယစ်ဆေးဝါး နှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေ အရ အရေးယူထားပြီး ကွင်းဆက်တရားခံ များဖော်ထုတ်လျက်ရှိကြောင်းသိရသည်။

Leave a Comments

SHARE