သျှမ်းပြည်တောင်ပိုင်း တွင် ယနေ့(အောက်တိုဘာ ၂)ရက် ညနေ (၈)နာရီ ထုတ်ပြန်ကြေညာချက် အရ ကိုဗစ်-၁၉ ကူးစက်ခံရသည့် လူနာသစ် ၃ဦးရှိကြောင်း သိရသည်။

အဆိုပါ ကိုဗစ်-၁၉ ကူးစက်ခံရသူ (၃)ဦးသည် ပင်းတယ တဦး၊ အောင်းပန်း တဦး နှင့် အေးသာယာ တဦးတို့ဖြစ်ကြောင်း Public Health Laboratory – Taunggyi မှ စုံစမ်းသိရသည်။

ကိုဗစ်-၁၉ လူနာသစ်များမှာ facility quarantine ဝင်ထားသည့် သူများဖြစ်ပြီး၊ လက်ရှိ လူနာ၃ဦး နှင့်ထိတွေ့ ဆက်စပ်သူများကို စုံစမ်းနေဆဲဖြစ်ကြောင်းလည်း သိရသည်။

မြန်မာနိုင်ငံတွင် ယနေ့ ည (၈)နာရီ ထုတ်ပြန်ချက် အရ ကိုဗစ်-၁၉ ကူးစက်ခံရသည့် လူနာသစ် (၁၁၄၂) ဦး နှင့် သေဆုံးသူ (၃၂) ဦး ထိရှိကြောင်း ကျန်းမာရေး နှင့် အားကစားဝန်ကြီးဌာန ထုတ်ပြန်ချက် အရ သိရသည်။

မြန်မာနိုင်ငံတွင် ကိုဗစ်-၁၉ လူနာ စုစုပေါင်း (၁၅၅၂၅) ဦး ရှိပြီး သေဆုံးသူ (၃၅၃)ဦးထိ မြင့်တက်လာကြောင်းလည်း ကျန်းမာရေး နှင့် အားကစားဝန်ကြီးဌာန ထုတ်ပြန်ချက် တွင်ရေးသားထားသည်။