ဒီတပတ် သျှမ်းပြည်နယ်အတွင်း ကိုဗစ်အခြေအနေမှာတော့ ရောဂါပိုးကူးစက်သူ ၁၄ ယောက်ရှိရာ ၁ ယောက်ဆေး ရုံဆင်းခွင့်ရပြီး တစ်ယောက်သေဆုံးသွားခဲ့ပါတယ်။

ကျန် ၁၂ ယောက်မှာတော့ တောင်ကြီးမြို့ စဝ်စံထွန်းဆေးရုံ မှာ ၄ ယောက်၊ ကျိုင်းတုံမြို့ပြည်သူ့ဆေးရုံမှာ ၃ ယောက်၊ ကလော အောင်ပန်း စစ်ဆေးရုံမှာ ၂ ယောက်၊ နမ့်စန်စစ်ဆေးရုံမှာ ၂ ယောက်၊ မူဆယ်မြို့ ပြည်သူ့ဆေးရုံမှာ ၁ ယောက် ဆေးဝါးကုသမှု ခံယူနေပါတယ်။

ကိုဗစ်နိုင်တင်း ရေဂါ ကူးစက်ပျံ့နံမှု ကြောင် သျှမ်းပြည် မြို့တော် တောင်ကြီးအပါအဝင် မြို့နယ် ၅၅ မြို့နယ်က တမြို့နဲ့ တမြို့ ကူးလူးဆက်ဆံမယ်ဆိုရင် ဆိုင်ရာနေရပ် ရပ်ကွက်ထောက်ခံစာ၊ ဆေးထောက်ခံစာ တွေ ပါမှ ဝင်ခွင့်ပြုပါတယ်။ ထောက်ခံစာမပါဘဲ ရောက်ရှိလာမယ်ဆိုရင်တော့ Quarantine ၁၄ ရက် သို့မဟုတ် တချို့မြို့တွေက ၂၁ ရက် ဝင်ရမှာဖြစ်ပါတယ်။ လက်ရှိ တောင်ကြီးမြို့ပေါ် အခြေအနေကတော့ ကိုဗစ်နိုင်တင်း ရောဂါ ကူးစက်မခံရအောင် မိမိကိုယ်ကို ကာကွယ်မှုမှာ ပေါ့ဆနေကြပြီး ၊ MasK (နှာခေါင်းစည်း) မတပ်ဘဲ အပြင်ထွက်သွားလာနေသူတွေ လဲရှိနေတဲ့ အတွက် ဒေသခံတချို့ ရောဂါကူးစက်မှာကို စိုးရိမ်နေကြပါတယ်။ ဒီ့အတွက် ကိုဗစ်ကာကွယ် ထိန်းချုပ် ကုသ ရေးကော်မတီဝင်တွေ၊ ဆရာဝန်များ၊ ကျန်းမာရေးဝန်ထမ်းများနှင့် ပရဟိတ လူမှုအဖွဲ့အစည်းတွေက စုပေါင်းပြီး လူထုကို အသိပညာပေးမှုတွေ နေ့စဉ်ပြုလုပ်ပေးနေပါတယ်။

စက်တင်ဘာ ၂၁ ရက်နေ့ က သျှမ်းပြည်အရှေ့ပိုင်း အထူးဒေသ(၄) မိုင်းလားတပ်ဖွဲ့ထိန်းချုပ်နယ်မြေဘက် ကနေ ပြန်လာတဲ့ ရွှေ့ပြောင်းအလုပ်သမား ၆၀ ကျော် ၊ ထိုင်းနိုင်ငံက ပြန်လာတဲ့ ရွှေ့ပြောင်းအလုပ်သမား ၆၀၀၀ ကျော်ရှိပါတယ်။

သျှမ်းပြည်သူပြည်သားတွေက Quarantine ဝင်ရမှာဖြစ်ပြီး တခြားပြည်နယ် တိုင်းဒေသကြီး တွေက တော့ သူတို့နေရပ်ပြည်နိုင်ဖို့ သျှမ်းပြည်နယ်အစိုးရ ကနေ အကူအညီပေးနေပါတယ်။ တောင်ကြီးမြို့မှာ ကိုယ့် အစီအစဉ်နဲ့ Quarantine ၀င်တဲ့သူကတော့ တရက် ကို တယောက် ကျပ် ၄၀၀၀ ထည့်ဝင်ရမယ် လို့သိရပါတယ်။

သျှမ်းပြည်တလွှား RCSS/SSA ထိန်းချုပ်နယ်မြေ အတွင်းနေ ကျေးရွာ၊ ကျေးရွာအုပ်စုတွေမှာ အတွင်းလူအပြင် မထွက်ရ ၊ အပြင်လူအတွင်းမဝင်ရ ၊ နိုင်ငံရေးပါတီတွေ စည်းရုံးရေးဆင်းမယ်ဆိုရင် ၁၀ ဦးထက်မပိုရ ၊ ကျန်းမာ ရေးစစ်ဆေးရေးဂိတ်နဲ့တကွ ကြပ်မတ်စစ်ဆေးနေတယ်လို့ ပြောခွင့်ရ ဒုတိယ ဗိုလ်မှူးကြီး အုမ့်ခေး ကပြောပါတယ်။