စိုင်းဆိုင်လှိုင်း
ထိုင်းနိုင်ငံ မှ မြန်မာနိုင်ငံ တာချီလိတ်မြို့သို့ ယနေ့ နေ့လည်ပိုင်းက မြန်မာရွှေ့ပြောင်းအလုပ်သမား ၁၄၃ ဦးထပ်မံဝင်ရောက်လာကြောင်းသိရသည်။
စက်တင်ဘာ ၂ ရက် ၁၁ နာရီခွဲခန့်က ဝင်ရောက်လာသည့် မြန်မာရွှေ့ပြောင်းအလုပ်သမား (၁၄၃) ဦးသည် သျှမ်းပြည် အရှေ့ပိုင်း၊ သျှမ်းပြည် တောင်ပိုင်း၊ သျှမ်းပြည် မြောက်ပိုင်း ၊ မန္တလေးမြို့ နှင့် နေပြည်တော်တို့တွင်နေထိုင်သူများဖြစ်ကြကြောင်း တာချီလိတ် မြို့နယ်အုပ်ချုပ်ရေးမှူး ဦးချမ်းမြေ့စော ကပြောသည်။
“တာချီလိတ်ဒေသခံက ၁၇ ဦးပါတယ်။ ကျန်မြို့နယ်တွေကတော့ သက်ဆိုင်ရာမြို့ကိုပို့ပြီး Quarantine ဝင်သွားခိုင်းမှာပါ” ဟု ဉီးချမ်းမြေ့စောက ဆိုသည်။
သြဂုတ်လ အတွင်းထိုင်းနိုင်ငံမှ တာချီလိတ်သို့ပြန်လည်ဝင်လာသည့် မြန်မာရွှေ့ပြောင်းအလုပ်သမား ၄၀၀ ကျော်ရှိကြောင်း သိရသည်။
လက်ရှိမှာ တာချီလိတ်မြို့တွင် ကိုဗစ်-၁၉ သံသရာ လူနာ(၃)ဦးရှိပြီး၊ ၎င်းတို့သည် ရခိုင်မှ ပြန်လာကြသူများဖြစ်ကြကြောင်းသိရသည်။
Leave a Comments