“ ဖြစ်သင့်တာကို ပြုလုပ်ပြီးမှ ဖြစ်ချင်တာကို အကောင်အထည်ဖော်သွားမည် ” ဖြစ်ကြောင်း လင်းခေး မြို့နယ် မဲဆန္ဒယန် အမှတ်(၁) ကိုယ်စားလှယ်လောင်း စိုင်းဆေဟန် ကပြောသည်။
စိုင်းဆေဟန်သည် လက်ရှိ အာဏာရ ပါတီဖြစ်သည် (NLD) မှ ဝင်ရောက် ရွေးခံယှဉ်ပြိုင်မည့် သူဖြစ်သည်။
အမျိုးသား ဒီမိုကရေစီအဖွဲ့ချုပ် (NLD) ပါတီသည် ၂၀၁၅ ခုနှစ် ပါတီစုံ ဒီမိုကရေစီ အထွေထွေရွေးကောက်မှာ မြန်မာနိုင်ငံတွင် အပြတ်အသတ် အနိုင်ရခဲ့ပြီး အစိုးရ ဖွဲ့စည်းနိုင်ခဲ့သည့် ပါတီဖြစ်သည်။
“ ဒီ ၂၀၀၈ ခြေဥ နဲ့သွားရင်တော့ ဘာပဲ ဖြစ်ဖြစ် တကယ် အစိုးရဖြစ်မယ့်ပါတီ ကိုတော့ ဝင်ရောက်အရွေးခံ ဖြစ်သင့်တာကို အရင် ဖြစ်ပြီးမှ ဖြစ်ချင်တာကို ကျနော်တို့ အကောင်အထည်ဖော်မှာပါ” စိုင်းဆေဟန် ကပြောသည်။
NLD ပါတီဝင်ရောက်ရခြင်းမှာ မိမိ ကံကြမ္မာ ဖန်တီးနိုင်သည့် အခွင့်အရေးဖြစ်ပြီး ကိုယ်ပိုင်ဆုံးဖြတ်ချက်ဖြင့် NLD ပါတီထဲ ဝင်ရောက်ရခြင်း ဖြစ်ကြောင်း စိုင်းဆေဟန် ကပြောသည်။
“ အခု ၂၀၀၈ ခြေဥနဲ့ သွားနေတယ်ဆိုတော့ လာမယ့် ရွေးကောက်ပွဲမှာလည်း ကျနော်တို့ တိုင်းရင်းသား ပါတီ ဘယ်လောက်ပဲ နိုင်နိုင် ဒီပြည်နယ် ၇ ခုမှာ ကျနော်တို့က ၃၀ ရာခိုင်နှုန်းပဲ ရှိတယ်။ အစိုးရ ဖွဲ့ဖို့က ၅၁ ရာခိုင်နှုန်းဆိုတော့ ပြည်မ ပါတီကို နောက်ထပ် ၂၁ ရာခိုင်နှုန်း ခေါ်ရမှာ ဒါလည်း မဖြစ်နိုင်တဲ့ ဥစ္စာပါ” စိုင်းဆေဟန် ကဆိုသည်။
လက်ရှိ အနိုင်ရပါတီသည် NLD ပါတီသည် သျှမ်းပြည်တွင်း (၁၅၆) နေရာ ဝင်ရောက်ယှဉ်ပြိုင်သွားမည်ဖြစ်ပြီး လက်ရှိ ရှမ်းပြည်အစိုးရဖြစ်သည့် စီမံကိန်း နှင့် ဘဏ္ဍရေးဝန်ကြီး၊ သျှမ်းပြည်နယ် ဝန်ကြီးချုပ်တို့တွင်လည်း NLD ပါတီဝင်များဖြစ်ပြီး ၂၀၂၀ ရွေးကောက်ပွဲတွင်လည်း ပြန်လည် ဝင်ရောက် ယှဉ်ပြိုင်သွားမည်ဖြစ်သည်။
၂၀၁၅ ခုနှစ် ပါတီစုံ ဒီမိုကရေစီ အထွေထွေရွေးကောက်ပွဲတွင် စိုင်းဆေဟန်သည် လင်းခေးမြို့နယ်ရှိ ပြည်နယ် လွှတ်တော်အမှတ်(၁) နေရာမှာ တသီးပုဂ္ဂလ အနေဖြင့် ဝင်ရောက်ယှဉ်ပြိုင်ခဲ့ဖူးကြောင်း သိရသည်။
