ယခုရက်ပိုင်း သျှမ်းပြည် မြောက်ပိုင်း မူဆယ်ခရိုင် အတွင်း တရားမဝင် ဝင်ရောက်လာသည့် တရုတ်နိုင်ငံသား ၆၉ ဦးရှိကြောင်း စုံစမ်းသိရသည်။
အဆိုပါ တရားမဝင် ဝင်ရောက်လာသည့် တရုတ်နိုင်ငံသား (၆၉ )ဦးသည် ဇူလိုင် ၃၀ရက်မှ သြဂုတ် ၁၀ရက် အထိ ဖမ်းဆီးခံရသည့် သူများဖြစ်ကြောင်းသိရသည်။
ထိုသူများကို သြဂုတ် ၁၀ရက်တွင် မူဆယ်ခရိုင် မူဆယ်မြို့နယ် မိုင်းယု (၁၀၅) မိုင်ကျေးရွာတွင် ၁၅ဦး ဖမ်းဆီးရမိခဲ့ပြီး၊ ထိုနေ့တွင် မူဆယ်မြို့ပန်ခမ်း စက်လှေဆိပ်ခိုးပေါက်မှ တရုတ်နိုင်ငံသား (၅)ဦးထပ်မံ ဖမ်းဆီးရမိခဲ့ကြောင်း မူဆယ်မြို့ မ ရဲစခန်းမှ တာဝန်ရှိသူ တဦးက ပြောသည်။
ထို့ပြင် သြဂုတ် ၈ရက်တွင် တရုတ်နိုင်ငံသား (၃)ဦး၊ သြဂုတ် ၅ရက်တွင် တရုတ်နိုင်ငံသား ၂၀ဦး၊ သြဂုတ် ၄ရ က်တွင် တရုတ်နိုင်ငံသား ၉ ဦး၊ သြဂုတ် ၁ရက်တွင် တရုတ်နိုင်ငံသား ၁ဦး၊ ဇူလိုင် ၃၁ရက် တွင် ၁ဦး နှင့် ဇူလိုင် ၃၀ရက်တွင် ၂၀ဦး တို့ဖမ်းဆီးရမိကြောင့် မူဆယ်မြို့မ ရဲစခန်းမှ စာရင်း သိရသည်။
“ ဖမ်းဆီးရမိတဲ့သူ စုစုပေါင်း (၆၉ ) ဦးကို ကျနော်တို့ စစ်ဆေး ပြီး အရေးယူသွားမှာပါ” ဟု မြိုမရဲစခန်းက တာဝန်ရှိသူက ဆိုသည်။
ဖမ်းဆီးရမိသည့် တရုတ်နိုင်ငံသားများကို ရာဇာသတ်ကြီး ပုဒ်မ ၃၆၇ နှင့် လဝက အက်ဥပဒေ ပုဒ်မ ၁၃(၁)/ ၁၃(၅) တို့ဖြင့် အမှုဖွင့် အရေးယူဆောင်ရွက်ထားကြောင်းသိရသည်။
ကိုဗစ် -၁၉ ကူးစက်မြန် ရောဂါကြောင့် မြန်မာ-တရုတ်နယ်စပ်သည် ဧပြီ ၂၄ရက် မှစတင်ကာ နယ်စပ်ဂိတ်အားလုံးပိတ်ဆိုင်းပြီး လူဝင်၊ထွက်မှု မပြုလုပ်ရတော့ပေ။
ထို့နောက် မြန်မာ-တရုတ်နယ်စပ် မြန်မာပြည်ဘက်သို့ တရုတ်နိုင်ငံသားများ တရားမဝင် ဝင်ရောက်ခဲ့ကြသလို့ တရုတ်ပြည်ဘက်သို့လည်း မြန်မာနိုင်ငံသားများ တရားမဝင် ခိုးဝင်မှုများရှိကြောင်းသိရသည်။
ထိုဖမ်းဆီးရမိသည့် တရားမဝင် တရုတ်နိုင်ငံသားများကို ကိုဗစ်-၁၉ ကူးစက်ရောဂါ ရှိ၊ မရှိ စစ်ဆေးခြင်း၊ တရုတ်နိုင်ငံသား ဟုတ်၊ မဟုတ်စစ်ဆေးဆောင်ရွက်နေကြောင်း သိရသည်။
Leave a Comments