သျှမ်းပြည်တောင်ပိုင်းတွင် ရာသီတုပ်ကွေး လူနာ ယနေ့ထိ မရှိသေးကြောင်း သျှမ်းပြည်နယ် ကျန်းမာရေးမှူးရုံးထံမှ စုံစမ်းသိရှိရသည်။
ဇွန်လ မှစတင်ပြီး ရာသီတုပ်ကွေး ကာလဖြစ်သည့်အတွက် ကြိုတင်ကာကွယ်မှုများ အသိပညာပေး ကဏ္ဍများ ပြုလုပ်ထားကြောင်း သျှမ်းပြည်တောင်ပိုင်း ကျန်းမာရေးဦးစီးဌာနမှ အဖွဲ့ခေါင်းဆောင် ဒေါက်တာဟန်ထူးအောင် က ပြောသည်။
“သျှမ်းတောင်မှာ ခုထိ ရာသီတုပ်ကွေးမရှိသေးဘူး။ သေဆုံးသူလည်း မရှိသေးဘူး။ ဒီနှစ်က ကိုဗစ် နဲ့ တွဲပြီးတော့ တစ်ခါတည်း ပညာပေးတွေ တောက်လျှောက်လုပ်နေတာတွေရှိတယ်” ဟု ဒေါက်တာဟန်ထူးအောင် က ပြောသည်။
ယခုနှစ်တွင် ကိုဗစ် -၁၉ ရောဂါ ကြောင့် ပြည်သူလူထု အနေဖြင့် ကြိုတင်ကာကွယ်မှုများ ပြုလုပ်ခဲ့ရာ ရာသီတုပ်ကွေး အတွက် လည်း ကာကွယ်ပြီးသား ဖြစ်ကြောင်း စုံစမ်းသိရှိရသည်။
“ကိုဗစ် -၁၉ ဖြစ်တဲ့အတွက်ကြောင့် အားသာချက်က လူတွေက သတိထားရမှာကို ကြိုသိထားတယ်။ ရာသီတုပ်ကွေးကိုလည်း ကာကွယ်ပြီးသား ကာကွယ်ရမယ့် အချက်တွေ အကုန်ပါပြီးသား အဲ့ကြောင့် မလို့ ကိုဗစ်-၁၉ ကို ကာကွယ်တာ နဲ့ အကုန်လုံးကို ကာကွယ်ပြီးသားဖြစ်သွားတယ်” ဟု ဒေါက်တာဟန်ထူးအောင် က သျှမ်းသံတော်ဆင့် ကိုပြောသည်။
ယခုနှစ်မှာ ရာသီတုပ်ကွေး လူနာ မရှိသော်လည်း ( ARI ) ရိုးရိုးအသက်ရှုလမ်းကြောင်း ဆိုင်ရာ ဖျားနာသည့် လူနာပဲ ရှိသေးကြောင်း ပြည်နယ် အထူးရောဂါ နိမ်နင်းရေး လက်ထောက်ညွှန်ကြားရေးမှူး ဒေါက်တာဇဝနကို က သျှမ်းသံတော်ဆင့် ကိုပြောသည်။
သျှမ်းပြည်အရှေ့ပိုင်း တာချီလိတ်မြို့နယ်တွင် သွေးလွန်တုပ်ကွေးကြောင့် ရဟန်း (၂) နှင့် အသက် (၁၁) နှစ် အရွယ် ကလေးငယ် တဦး စုစုပေါင်း (၃) ဦး သေဆုံးသွားပြီဖြစ်ကြောင်း သိရသည်။
