သျှမ်းပြည်နယ်မြောက်ပိုင်း သီပေါမြို့နယ် ၊ ဘော်ကြို ကျေးရွာအုပ်စု ၊ ဘော်ကြိုကျေးရွာစစ်ရှောင်စခန်း မှ စစ်ရှောင် ၃၄၆ ဦးခန့်ကို ဧပြီလ ၉ ရက်နေ့က SNLD ပါတီမှ ဦးဆောင်၍ နေရပ် ပြန်ပို့ခဲ့သည်ဟု သိရသည် ။
အဆိုပါ စစ်ရှောင် ၃၄၆ ဦးမှာ အုံမု ကျေးရွာအုပ်စုမှ ၊ မန်လွယ် ၀မ်လွိုင် ကျေးရွာတွင် နေထိုင်သူများဖြစ်ကြ ပြီး ၊ မတ်လ ၂၁ ရက်နေ့က ဘော်ကြိုကျေးရွာစစ်ရှောင်စ ခန်းသို့စစ် ရှောင်ရန် ရောက်ရှိလာ ခြင်းဖြစ်ကြောင်း SNLD ပါတီ သီပါမြို့နယ် အတွင်းရေးမှူး စိုင်းလောဝ်ဆိုင် ကပြောသည် ။
“ နေရပ်မပြန်နိုင်သေးတဲ့ ကျေးရွာအုပ်စု ၃ အုပ်စုကျန်သေးတယ် ၊ လူဦးရေ က ငါးရာကျော်ပေါ့ ၊ ဘာကြောင့် မပြန်ရဲသေးလည်းဆိုရင် သူတို့ရွာထဲမှာ ကျန်နေတဲ့ တိုက်ပွဲအတွင်း လက်ကျန်မိုင်းတွေ ထိမှာကြေက်လို့ မပြန် နိုင်သေးတာပေါ့ ၊ လောလောဆယ်တိုက်ပွဲအခြေ အနေကတော့ ငြိမ်နေပါတယ် ” ဟု ၄င်းကဆိုသည် ။
နေရပ်မပြန်နိုင်သေးသော စစ်ရှောင်များမှာ ဆမ်စန့် ၊ ပန်ခေါင် ၊ ပန်ခါး ကျေးရွာအုပ်စုမှ လူငါးရာ ကျော် ကျန်ရှိနေပြီး အဆိုပါစစ်ရှောင်များအား သီပေါမြို့ ၊ ရတနာရွှေဂူကျောင်း တိုက်တွင် နေရာချထားလျှက် ရှိကြောင်း စိုင်းလောဝ်ဆိုင် ထံမှဆက်လက်သိရသည် ။
သီပေါမြို့နယ်အတွင်း TNLA တပ်ဖွဲ့နှင့် RCSS တပ်တို့အကြား မတ်လနှောင်းပိုင်းကတည်းက တိုက်ပွဲများ ဖြစ်ပွါးခဲ့ပြီးစစ်ဘေးရှောင်များမှာ မတ်လ ၂၁ ရက်နေ့က ဘော်ကြိုရွာသို့စစ်ဘေးရှောင်ရောက်ရှိလာကြခြင်းဖြစ်သည်။
Leave a Comments