သျှမ်းပြည်အရှေ့ပိုင်း ကျိုင်းတုံပြည်သူ့ဆေးရုံမှာ ကိုဗစ် – ၁၉ လူနာ အမှတ် ၉၆ ဆေးရုံက ဆေးခွင့်ရကြောင်း သိရသည်။
ယနေ့ မေလ ၂၀ ရက်နေ့ မနက် ၁၀ နာရီမှာ လူနာ အမှတ် ၉ ၆ ဆေးရုံက ဆင်းပြီး နေအိမ်မှာပဲ Home Quarantine ၁ ပတ် ထားရှိမည် ဖြစ်ကြောင်း ကျိုင်းတုံပြည်သူ့ဆေးရုံ မှ ဒေါက်တာ လှဌေးမင်း ကပြောသည်။
“လူနာ အမှတ် ၉၆ က ဒုတိယအကြိမ် နဲ့ တတိယအကြိမ် မှာ Negative ထွက်လို့ ဆေးရုံက ဆင်းခွင့် ပြုလိုက်တယ်” ဟု ဒေါက်တာ လှဌေးမင်း ကပြောသည်။
ကျိုင်းတုံ ပြည်သူ့ဆေးရုံမှာ ကိုဗစ် -၁၉ လူနာ ၃ ဦးရှိသည့် အနက် ၁ ဦး ဆေးရုံဆင်းခွင့် ရပြီး ကျန်သည့် လူနာအမှတ် ၁၁၂ နှင့် ၆၄ တွင် Positive ဖြစ်နေကြောင်း သိရသည်။
“လူနာ အမှတ် ၁၁၂ က ပထမ အကြိမ် Negative ဖြစ်ပြီ။ လူနာ အမှတ် ၆၄ ကတော့ ခုထိ positive ဖြစ်နေတုန်းပဲ” ဟု ဒေါက်တာလှဌေးမင်း ကပြောသည်။
မြန်မာနိုင်ငံတစ်ဝှမ်းတွင် ကိုဗစ်-၁၉ ဖြစ်ပွားသူ ၁၉ ၃ ဦးရှိပြီး သေဆုံးသူ ၆ ဦး နှင့် ပြန်လည် သက်သာလာသူ ၁၀၄ ဦး ရှိပြီး ဖြစ်သည်။
သျှမ်းပြည်နယ်တွင် ကိုဗစ်-၁၉ ရောဂါ ဖြစ်ပွားသူ ၂ ဦးသာ ကျန်ရှိနေကြောင်း သိရသည်။ ၎င်းတို့သည် သျှမ်းပြည် အရှေ့ပိုင်း ကျိုင်းတုံမြို့ရှိ ကျိုင်းတုံပြည်သူ့ဆေးရုံမှာ ဆေးကုသမှု ခံယူထားကြောင်း သိရသည်။
Leave a Comments