တောင်ကြီးမြို့ မြို့မရဲစခန်းတွင်အချုပ်သားအချင်းချင်း ထိုးကြိတ်ရာမှ လူသတ်မှုဖြစ် ပွားခဲ့သည်ဟု အသတ်ခံရသူ၏မိသားစုဝင်များက ပြောသည်။
မူးယစ်ဆေးဝါးမှုဖြင့် မတ်လ(၇) ရက်နေ့ကအဖမ်းဆီးခံထားရသော တောင် ကြီးမြို့ ၊ မြို့မရပ်နေထိုင်သူ အသက်(၃၆)နှစ် ကိုထူးအောင်ဆိုသူ အားမူး ယစ်ဆေးဝါး ယင်းထ သည်ဟုဆိုကာ အချုပ်ထဲရှိ အချုပ်သား (၅) ဦးက ၀ိုင်း ၀န်းထိုးကြိုတ်မှုကြောင့် သေဆုံး သွားခဲ့ကြောင်း သေဆုံးသူ၏ အစ်မတော် စပ်သူ မဇင်မာဌေးက မတ်လ (၂၆) ရက် နေ့က မီဒီယာများသို့ပြော သည် ။
“ ကျမမောင်လေးက မတ်လ(၇) ရက်နေ့မှာအဖမ်း ခံရတယ် ၊ (၈) ရက်နေ့ မှာ တရားရုံး မှာ ရမန်ယူတော့ မိသားစုနဲ့တွေ့ရတယ်။ အဲဒီတုန်းကအကောင်း ကြီးရှိ သေးတယ်။ (၉) ရက်နေ့ ၁၁ နာရီ လောက်မှာ စခန်းကနေပြီးတော့ ဆုံးပြီလို့အ ကြောင်းကြားလာတယ် ။ ဆေး ယင်းတအားထ ပြီးတော့ တက်သွား တယ်။ ဆေး ရုံလိုက်ပို့ တာမမှီလိုက်ဘူး ၊ ကားပေါ်မှာ ပဲ ဆုံးသွားတယ်လို့ စ ခန်းက ပြောလာတယ်။ ကျမ မောင်လေးကို သဂြိုလ်ပြီးတဲ့ အထိဆေး ယင်းတအားထပြီးသေ တယ်လို့ပဲ ကျမတို့မိသားစုတွေ အားလုံးသိ ထားကြ တာလေ ” ဟု မဇင်မာဌေးက ရှင်းပြသည် ။
မှုခင်းဆရာဝန်၏ ဆေးစာများအရ သေဆုံးသူမှာ နံရိုး (၆) ချောင်းကျိုးကာ ဘေလုံး (၄) စင်တီ ကွဲပြီး သွေးလွန်၍သေဆုံးရခြင်း ဖြစ်ကြောင်း ရေးသား ထားသည့်ဆေးစာကို မိသားစုဝင်များဖတ်ခဲ့ရကြောင်း ၄င်းကဆက်ပြော သည် ။
“ သဂြိုလ်ပြီးတော့မှ စခန်းမှူးကခေါ်ပြောတယ် ၊ CCTV မှတ်တမ်းအရ ကျမ မောင် လေးက လူ(၅) ယောက်ဝိုင်းရိုက်လို့သေမှန်းသိခဲ့ရတယ် ၊ ရဲတပ်ဖွဲ့တွေအများကြီးရှိရက်နဲ့လူတစ်ယောက် လုံး ရိုက်သတ်ခံရတာတောင် မသိ ဘူးလား ၊ အခုဖြစ်သွားတဲ့ ကိစ္စအတွက် တာဝန်ရှိသူတွေ တာဝန်ယူစေချင်တယ် ၊ အမှန်တရားအ တိုင်းပဲဖြစ်စေချင်တယ် ၊ ဒီလိုမျိုး တစ်ခြားသူတွေလဲနောက်ထပ် မဖြစ်စေချင်ဘူးဟု ” ဟု မဇင်မာဌေး ကဆက် လက်ပြောသည် ။
အဆိုပါကိစ္စနှင့် ပတ်သက်၍ တောင်ကြီးမြို့ ၊ မြို့မရဲစခန်း သို့ သွားရောက် မေးမြန်းရာ စခန်းမှူး ဒုရဲမှူး မျိုးဦးက မှုခင်းဆရာဝန်၏ ဆေးစစ်ချက်ထွက် ရှိမှသာ CCTV ပြန်စစ် ကာ အရိုက်ခံရသည့် ဒဏ်ရာကြောင့် ဘေအိတ်ကွဲ သေဆုံးသွား ကြောင်းသိရသည်ဟု ရှင်းပြသည် ။
“ မူးယစ်ဆေးဝါးယင်းထနေတာကို ၀ိုင်းထိန်းသိမ်းရင်းနဲ့ဖြစ်တာ ၊ ဘာရန်ငြိုးမှ လည်းမ ရှိကြပါဘူး ၊ အခုဖြစ်သွားတဲ့ကိစ္စက ရဲတပ်ဖွဲ့ဘက်ကလုံးလုံးတာဝန် ပျက်ကွက် တာမျိုး တော့မ ဟုတ်ဘူး ၊ အဲ့ဒီနေ့ စခန်းမှာ ၁၀ တန်းဖြေမယ့် အချုပ်သား တစ်ဦးလည်းရှိနေ တယ် ။ ကင်းမှူးတစ်ယောက်နဲ့ကင်းသား (၄)ယောက်က လည်း တရားခံတွေ ရုံး ထုတ်/သွင်း လုပ်တဲ့ခါမှာလည်းကူရပါတယ် ။ စခန်းရဲ့အနေအထားကလည်း ထွက် ပြေးနိုင်စရာမရှိ ဘူး ၊ လုံခြုံမှုရှိတဲ့အတွက်အဲ့ဒီဖက် မှာနည်းနည်းပေ့ါလျော့သွားတယ် ” ဟု ဒုရဲမှူး မျိုးဦးက ပြောသည် ။
လူသေဆုံးသည့်အထိ တာဝန်ပေါ့လျော့သည့်ရဲဝန်ထမ်းများအား ရဲလုပ်ထုံးလုပ် နည်း နဲ့ညီ ခုံရုံးဖွဲ့စစ်ဆေးကာ အရေးယူမှုများရှိကြောင်း ၊ ၀ိုင်းဝန်းရိုက်နှက်ခဲ့သည့် အချုပ် သား (၅) ဦးကိုလည်း လူသတ်မှု ဖွင့်ထားပြီး ရာဇသတ်ကြီးပုဒ်မ ၃၀၂/၁၁၄ ဖြင့် အရေး ယူဆောင်ရွက်ထားလျှက်ရှိကြောင်း ၄င်းထံမှ သိရှိရသည် ။
Leave a Comments