သျှမ်းပြည်တောင်ပိုင်း တောင်ကြီး စဝ်စံထွန်းဆေးရုံ တွင် ကိုဗစ် -၁၉ လူနာ တစ်ဦး အပါအဝင် ၈၈ ဦး၏ ဓါတ်ခွဲ နမူနာ အားရန်ကုန် အမျိုးသားဓါတ်ခွဲခန်း သို့ ပို့ထားကြောင်း သိရသည်။
ထို ဓါတ်ခွဲနာမူနာ ၈၈ ဦး သည် မေလ ၈ ရက်နေ့ မနက် တွင် ရန်ကုန်အမျိုးသားဓါတ်ခွဲခန်း သို့ ရောက်ရှိသွားကြောင်း သိရသည်။
“Case 121 က တတိယအကြိမ် ဓါတ်ခွဲနမူနာ ပို့ထားတယ်။ ၂ ကြိမ် စစ်တုန်းကလည်း ပိုးတွေ့ပါပဲ။ 121 ရဲ့ Close Contact ၅ ဦးလည်း ဒုတိယအကြိမ် အနေနဲ့ ဓါတ်ခွဲ နမူနာတွေ ပို့ထားပါတယ် ”ဟု ပြည်နယ် အထူးရောဂါ နှိမ်နင်းရေးဌာန လက်ထောက်ညွန်ကြားရေးမှူး ဒေါက်တာနှင်းအိဖြူ ကပြောသည်။
အဆိုပါ ဓါတ်ခွဲနာမူနာ ၈၈ ဦးသည် လူနာ အမှတ် ၁၂၁ အပါအဝင် Close contact ၅ ဦး၊ မြို့နယ်ရှိ စောင့်ကြည့်လူနာ ၅ ယောက် နှင့် မိုင်းရှုး၊ လွိုင်လင်၊ ဟိုပုံး၊ တောင်ကြီး၊ ရွာငံ ၊ ရပ်စောက် ရှိ Quarantine Center များမှ့ ဓါတ်ခွဲနမူနာ ၇၇ ဦး တို့ ပို့ထားကြောင်း သိရသည်။
“အဖြေသိရဖို့ ခန့်မှန်းထားတာ ၃ ရက်လောက်ကြာမယ်ထင်တယ်။ စောရင်လည်း စောမယ်” ဟုဒေါက်တာ နှင်းအိဖြူ ကပြောသည်။
သျှမ်းပြည်နယ်တွင် ပိုးတွေ့လူနာ ၅ ဦး တွေ့ရှိရာ ၂ ဦးမှ သက်သာပျောက်ကင်းပြီဖြစ်သဖြင့်ဆေးရုံမှ ဆင်းသွားပြီဖြစ်ကြောင်း သိရပါသည်။
လက်ရှိမြန်မာနိုင်ငံတွင် ပိုးတွေ့လူနာ ၁၇၆ ဦးရှိပါသည်။
