သျှမ်းပြည်နယ် အစိုးရ အနေဖြင့် COVID-19 အတွက် သီးသန့် ဘတ်ဂျက်မရှိသော်လည်း သဘာဝ ဘေးအန္တရာယ် အတွက် လျာထားသည့် ဘတ်ဂျက်ကို သုံးစွဲသွားမည် ဟု သတင်းရရှိသည်။

သျှမ်းပြည်နယ် အတွက် ၂၀၂၀ သဘာဝ ဘေးအန္တရာယ် အတွက် ဘတ်ဂျက် ရန်ပုံငွေ သန်း ၈၀၀ ထဲမှ COVID-19 အတွက် သုံးစွဲသွားမည် ဟု သျှမ်းပြည်နယ် အစိုးရအဖွဲ့ဝင် လူမှုရေး ဝန်ကြီး ဒေါက်မျိုးထွန်း က သျှမ်းသံတော်ဆင့် သို့ပြောသည်။

၂၀၂၀ ခုနစ် သဘာဝဘေး အန္တရာယ် အတွက် လျာထားသည့် ရန်ပုံငွေ သန်း ၈၀၀ ထဲ မှ သန်း ၅၀၀ ကျော် ကျန် ရှိသေးသဖြင့် COVID-19 အတွက် သုံးစွဲသွားမည် ဟု ဒေါက်တာ မျိုးထွန်း က ပြောသည်။

“ ဒီနှစ်အတွက် ရန်ပုံငွေ ရေးဆွဲတုန်းက COVID-19 မပေါ်သေးဘူး။ မပေါ်သေးတော့ COVID- 19 တွက် လျာထားတာ ဆိုတာကတော့မဟုတ်ဘူး။ ဒါပေမယ့် ပြည်နယ် ရန်ပုံငွေ ထဲပါတော့ သဘာဝ အတွက် လျာထားတဲ့ထဲက သုံးစွဲသွားမယ်” ဟု ဒေါက်တာမျိုးထွန်း က ဆိုသည်။

သဘာဝ ဘေးအန္တရာယ် အတွက်လျာထားသည့် သန်း ၈၀၀ ထဲမှ COVID-19 အတွက် ရန်ပုံငွေ တချို့သုံးစွဲပြီးကြောင်း၊ လက်ရှိမှာ သန်း ၅၀၀ကျော် ကျန်သေးပြီး ဆက်လက်သုံးစွဲသွားမည်ဖြစ်ကြောင်း၊ COVID-19 အတွက် တခြားရန်ပုံငွေမှ ဆွဲယူသုံးစွဲခြင်းမရှိသေးကြောင်း ဒေါက်တာမျိုးထွန်း ကဆက်လက်ပြောသည်။

သျှမ်းပြည်တွင်း ဧပြီ ၁ ရက်နေ့ အထိ် COVID -19 စောင့်ကြည့်လူနာ ၈၉ ဦးရှိပြီး သံသယ လူနာ ၁ ဦး ၊ ပိုးမတွေ့ လူနာ ရ၇ ဦး ၊ ပိုးတွေ့လူနာ ၁ ဦး နှင့် အဖြေစောင့်သည့် လူနာ ၁၂ ဦး ရှိထားကြောင်း ဒေါက်တာမျိုးထွန်းက ကပြောဆိုလိုက်သည်။