မြန်မာနိုင်ငံတွင် COVID-19 အတည်ပြုလူနာ (၈)ဦး နှင့်ထိတွေ့ခဲ့သူ (၄၇၀) ဦးကျော် ရှိကြောင်း မတ် ၂၉ ရက် တွင် ကျန်းမာရေး နှင့် အားကစားဝန်ကြီးဌာန ပြုလုပ်သည့် အစည်းအဝေး အရ သိရသည်။

COVID-19 ရောဂါ ဓာတ်ခွဲ အတည်ပြု လူနာ (၈) ဦး နှင့်ထိတွေ့သူများကို ရှာဖွေ ထောက်လှမ်းခဲ့ရာ (၄၇၀) ကျော် တွေ့ရှိခဲ့ပြီး ၊ ၎င်း တို့ ရောဂါ ကူးစက် ခံထားရခြင်းရှိ၊ မရှိ နှင့် ရှိခဲ့ပါက ၎င်းတို့မှ တဆင့် ထပ်မံ ကူးစက်ပြန့့်ပွားခြင်းမရှိစေရန် အတွက် အသွား၊ အလာကန့်သတ်စောင့်ကြည့် သွားမည် ဟု ကျန်းမာရေး နှင့် အားကစားဝန်ကြီးဌာန က ပြောဆိုသည်။

မတ် ၂၉ ရက်နေ့တွင် COVID-19 အတည်ပြု လူနာ ၂ဦးထပ်မံတိုးလာသဖြင့် မြန်မာနိုင်ငံတွင် COVID-19 အတည်ပြုလူနာ ၁၀ဦး ရှိကြောင်း သိရသည်။

ထိုထဲတွင် ထိုင်းနိုင်ငံမှ မြန်မာနိုင်ငံ မြဝတီမြို့ဘက်သို့ မတ် ၂၃ရက်တွင် ပြန်လာသည့် အမျိုးသားတဦး သည် COVID-19 အတည်ပြုလူနာ အဖြစ် ဆေးကုသခံယူနေကြောင်းသိရသည်။

မတ် ၂၃ရက်မှ မတ် ၂၈ ရက် အတွင်း ထိုင်းနိုင်ငံမှ မြန်မာနိုင်ငံ မြဝတီဘက်သို့ ပြန်လာသည့် ရွှေ့ပြောင်းအလုပ်သမား ( ၂၃၀၀၀) ရှိသည်။

ထို့ပြင် မတ် ၂၃ရက်မှ မတ် ၂၉ ရက်ထိ ထိုင်းနိုင်ငံ မှ မြန်မာနိုင်ငံ တာချီလတ်ဘက် ပြန်လာသည့် လုပ်သား ၉၀၀၀ ကျော် ရှိကြောင်းသိရသည်။

သျှမ်းပြည် တောင်ပိုင်းတွင် ၅၅၄၇ဦး၊ သျှမ်းပြည်မြောက်ပိုင်းတွင် ၂၁၅၁ဦး၊ သျှမ်းပြည် အရှေ့ပိုင်းတွင် ၁၄၆၉ ဦးရှိကြောင်း သျှမ်းပြည်နယ်အစိုးရ လူမှုဝန်ကြီး ဒေါက်တာမျိုးထွန်းကပြောကြောင်း ကမ္ဘောဇတိုင်းသတင်းတွင်ဖော်ပြထားသည်။

အဆိုပါ ပြန်လာသူများသည် မြန်မာနိုင်ငံ နေရာ အနှံ့ အပြား သို့ရောက်ရှိနေပြီးဖြစ်ကာ ပြန်လည် ဝင်ရောက်လာသူများတွင် COVID-19 ရောဂါကူးစက်ခံရသူများ ပါဝင်လာနိုင်ချေ များပြားပြီါ် ကပ်ရောဂါကြီး ( big outbreak) အသွင်းဖြစ်ရန် အလားအလာအလွန်များနေပါသည် ဟု ကျန်းမာရေး နှင့် အားကစားဝန်ကြီးဌာန ၏ ထုတ်ပြန်ချက်တွင် ရေးသားထားသည်။