အစိုးရတပ်မတော်ကိုယ်စားလှယ် နှင့် RCSS တို့ မနက်ဖြန် ချင်းမိုင်တွင်တွေ့မည်

0

အစိုးရတပ်မတော်ကိုယ်စားလှယ်အဖွဲ့နှင့် သျှမ်းပြည် ပြန်လည်ထူထောင်ရေးကောင်စီ၊ သျှမ်းပြည်တပ်မ တော်( RCSS/SSA) ကိုယ်စားလှယ်များသည် နိုဝင်ဘာ ၁၉ ရက်နေ့ မနက်ဖြန် ချင်းမိုင်မြို့တွင် တွေ့ဆုံ မည်ဟု သတင်းရရှိသည်။

Photo Credit to Taifreedom- တစ်ဆို့နေသည့် NCA ကိစ္စ EAOS များ နို၀င်ဘာလ ၁၆ ရက်နေ့က တွေ့ဆုံဆွေးနွေးကြစဉ်

အစိုးရ တပ်မတော်ဘက်မှ ဒုတိယ ဗိုလ်ချုပ်ကြီးရာပြည့်နှင့် ဒုတိယ ဗိုလ်ချုပ်ကြီး မင်းနောင်တို့ ဦး ဆောင်မည်ဖြစ်ပြီး၊ RCSS/SSA ဘက်က ဗိုလ်ချုပ် ပေါင်ခေး နှင့် ဗိုလ်မှူးကြီး စိုင်းငင်းတို့ ဦးဆောင်သည့်အဖွဲ့က တွေ့ဆုံ ဆွေးနွေးသွားကြမည် ဖြစ်ကြောင်း ပြည်ထောင်စု အင်တီကျုဒါရိုက်တာ ဦးခွန်စိုင်း က သျှမ်းသံတော်ဆင့် သို့ပြောသည်။

“ RCSS နဲ့ အစိုးရတပ်မတော် ကိုယ်စားလှယ်တွေ မနက်ဖန် ၁၀ နာရီခွဲလောက်ကျရင် ချင်းမိုင်မှာ တွေ့ကြမယ်။ အဓိကတော့ ၂ ဖက် တပ် ပိတ်ဆို့နေတဲ့ ငြိမ်းချမ်းရေး ကိစ္စ အကြောင်းဆွေးနွေးမယ်လို့ကြားသိထားတယ်” ဟု ဦးခွန်စိုင်း က ပြောသည်။

နိုဝင်ဘာ ၂၀ ရက်နေ့တွင်လည်း တနိုင်ငံလုံး ပစ်ခတ်တိုက်ခတ်ရေး သဘောတူညီ စာချုပ် ( NCA) လက်မှတ်ရေးထိုးထားသည့် တိုင်းရင်းသားလက်နက်ကိုင် EAOs ၁၀ဖွဲ့၊ အမျိုးသား ပြန်လည် သင့်မြတ်ရေး နှင့် ငြိမ်းချမ်းရေး ဗဟိုဌာန(NRPC) မှ ဒေါက်တာ တင်မျိုးဝင်း ဦးဆောင်သည့် အဖွဲ့ နှင့် မြန်မာ့တပ်မတော် ကိုယ်စားလှယ်မှ ဒုဗိုလ်ချုပ်ကြီး ရာပြည့် ၊ ဒုဗိုလ်ချုပ်ကြီးမင်းနောင်တို့ ဦးဆောင်သည့်အဖွဲ့တို့ တွေ့ဆုံကြမည် ဟု သိရသည်။

နိုဝင်ဘာ ၂၂ ရက် မနက်ပိုင်းတွင်မူ ကရင်အမျိုးသား အစည်းအရုံး (KNU) နှင့် အမျိုးသားပြန်လည် သင့်မြတ်ရေး နှင့် ငြိမ်းချမ်းရေး ဗဟိုဌာန (NRPC) တို့ တွေ့ဆုံရန်ရှိသည် ဟု သတင်းရရှိသည်။

Leave a Comments

SHARE