နမ့်ခမ်းမြို့  SNLD   မြို့နယ်လက်ထောက်အတွင်းရေးမှူး   စိုင်းအိုက်နောင့်ကွယ်လွန်

0

သျှမ်းပြည်မြောက်ပိုင်း နမ့်ခမ်းမြို့နယ် SNLD  သျှမ်းတိုင်းရင်းသားများဒီမိုကရေစီအဖွဲ့ချုပ် ၏ မြို့နယ် လက်ထောက်အတွင်းရေးမှူး ၁ စိုင်းထိန်လင်းအောင်(ခေါ်) စိုင်းအိုက်နောင့် အသက် ၃၈ နှစ်သည် နမ့်ခမ်းမြို့နေအိမ်တွင်ကွယ်လွန်သွားခဲ့သည်။

Photo SNLD-နမ့်ခမ်းမြို့နယ် SNLD  သျှမ်းတိုင်းရင်းသားများဒီမိုကရေစီအဖွဲ့ချုပ် ၏ မြို့နယ် လက်ထောက်အတွင်းရေးမှူး ၁ စိုင်းထိန်လင်းအောင်(ခေါ်) စိုင်းအိုက်နောင့်

စိုင်းအိုက်နောင့်သည် နိုဝင်ဘာလ ၁၃ ရက်နေ့ ညနေ ၅ နာရီခွဲအချိန်ခန့်က ကောင်းနောင်မိုရပ်ကွက်ရှိနေအိမ်တွင်ပင်ကွယ်လွန်သွားခဲ့ပြီး နိုဝင်ဘာလ ၁၄ ရက်ယနေ့ မွန်းလွဲပိုင်း ၃ နာရီအချိန် နမ့်ခမ်းမြို့သုသာန်၌ သဂြိုဟ်ခဲ့ကြောင်းသိရသည်။

စိုင်းအိုက်နောင့်နှင့် ကျောင်းနေဖက်သူငယ်ချင်းလည်းဖြစ် လုပ်ဖော်ကိုင်ဖက်လည်းဖြစ်သော လားရှိုးမြို့နယ်ရှိ အမျိုးသားလွှတ်တော်ကိုယ်စားလှယ် စိုင်းဝမ်းလျန်းခမ်းက – “ သူမနေ့က  ဆုံးသွားပါတယ်။ သူအသဲမကောင်းတာ ဂျွန်လကတည်းကဘဲ။ ဒါပေမယ့် တိုက်ပွဲတွေဆက်တိုက်ဖြစ်နေတော့ သူ လားရှိုး- မန္တလေးကိုဆင်းပြီးဆေးကုဖို့ အခွင့်မသာခဲ့ဘူး။တိုက်ပွဲမဖြစ်တဲ့ချိန်တုန်းကလည်း သူတုပ်ကွေးမိသေးတယ်လေ။ နောက်ဆုံး မန္တလေးမှာသွားပြတော့ အသဲထဲမှာအသားလုံးရှိတယ်လို့ပြောလာတယ်။ ဘီပိုး စီပိုးလည်းဝင်တယ်။  ၂ လလောက်ဆေးသောက်ခိုင်းတယ် ပြီးတော့ပြန်ချိန်းတယ်။ ၂ လတောင်မပြည့်သေးဘူး သူဆုံးသွားပြီ ”- ဟု သျှမ်းသံတော်ဆင့်အားပြောသည်။

စိုင်းအိုက်နောင့် (ခ) စိုင်းထိန်လင်းအောင်သည် သိန္နီမြို့နယ် ဦးဇော်အောင်နှင့် ပါနန်းခင်ဌေးတို့၏သားဖြစ်ပြီး နန်းစံငင်းနှင့်အိမ်ထောင်ပြုကာ သား စိုင်းနော်လျန်းဟန် တဦးထွန်းကားခဲ့သည်။

၎င်းသည် ပါတီလုပ်ငန်းအပြင် မြို့ရွာအတွင်း သာရေးနာရေး၊ လူငယ်များအရေး၊ လူ့အခွင့်အရေးများအရေးတို့တွက်တက်ကြွစွာပါဝင်သောလူငယ်တဦးဖြစ်သည်။

Leave a Comments

SHARE