သျှမ်းပြည်နယ် တောင်ပိုင်း လွိုင်လင်ခရိုင် လဲချားမြို့တွင် အခမဲ့ မျက်စိ ကုသပေးနေကြောင်း သတင်းရရှိသည်။
အဆိုပါ မျက်စိကုသမှုကို အောက်တိုဘာ ၁ ရက် မှ ၄ ရက်ထိ စမ်းသပ်ပေးပြီး၊ ခွဲစိတ်မှု ကိုတော့ အောက်တိုဘာ ၅ ရက်နှင့် ၆ ရက်တို့တွင်ပြုလုပ်ပေးမည်ဖြစ်ကြောင်း၊ ထို အခမဲ့ ကုသပေး မှု အားလုံးသည် ချယ်ရီ မေတ္တာ ဖောင်ဒေးရှင်း အဖွဲ့ ၏ စက္ခုဒါန ဖြစ်ကြောင်း လဲချားမြို့မှ ကျောင်းပန် စာသင်ကျောင်းတိုက် မှ ဆရာတော် စဝ်ပန္တဝ က သျှမ်းသံတော်ဆင့် ကို မိန့်ကြားသည်။
“မျက်စိဆေး လာစစ်တဲ့သူ ကုတဲ့သူ ဒီနေ့ထိဆို ရင်တော့ ၃၀၀၀ လောက်ရှိပြီ။ ခွဲစိတ်မယ့်သူ ၁၄၂ ဦးလောက်ရှိမယ်။ အများစုက မျက်စိတိမ်တွေဖြစ်တယ်” ဟု ဆရာတော် က မိန့်သည်။
မျက်စိ ခွဲစိတ်ရမည့်သူများကို အောက်တိုဘာ ၅ ရက် မှ ၆ ရက်နေ့ထိ လဲချား ဆေးရုံတွင် အခမဲ့ ခွဲစိတ်ပေးသွားမည် ဟုလည်း ဆရာတော်က ထပ်မံ မိန့်သည်။
လက်ရှိ မျက်စိ ဆေးလာကုသည့် သူများသည် လွိုင်လင်မြို့ နှင့် လဲချား ပတ်ဝန်းကျင် မှ ပြည်သူများအပြင် မိုင်းနောင်၊ ကျေးသီး နှင့် မိုင်းကိုင် ဘက်မှ ဒေသခံများလည်း လာကြကြောင်း သိရသည်။
အဆိုပါမျက်စိ လာရောက်စမ်းသပ် ကုသသူများသည် ကျောင်းသားအရွယ် မှ အသက်ကြီး ရွယ်အိုထိ ရှိကြောင်းလည်း သိရသည်။
Leave a Comments