သျှမ်းပြည်မြောက်ပိုင်း မူဆယ်မြို့ ဟိုမွန်ရပ်ကွက်တွင် အသက် ၄၀ ကျော် အမျိုးသား တဦး သေနတ် ပစ်ခံ သတ်ခံရကြောင်း သိရသည်။
ဇူလိုင်လ ၁၆ ရက် နေ့လည် ၁၁ နာရီခွဲက မူဆယ်မြို့ ဟိုမွန်ရပ်ကွက် ၄၅ ကုန်း တွင် အမည်မသိ လက်နက်ကိုင် အဖွဲ့က အသက် ၄၀ ကျော် အမျိုးသားတဦးကို သေနတ်ဖြင့် ရ ချက် ပစ်ခတ်သဖြင့် အဆိုပါအမျိုးသားသေဆုံးကြောင်း မူဆယ် ဂရုဏာ လူမှု ကူညီရေး အသင်း က ဦးသောင်းထွန်း က သျှမ်းသံတော်ဆင့် သို့ ပြောသည်။
“ သေနတ် ဒဏ်ရာကတော့ ကျောဘက် ၄ ချက်၊ လက်မှာ တချက်၊ ခြေထောက် ၁ ချက် တင်ပါး မှာ တချက် မှန်ထားပါတယ်။ ကျနော် အထင်ကတော့ တရုတ်လူမျိုးပါ” ဟု ဦးသောင်းထွန်း ကဆိုသည်။
သေနတ်ဒဏ်ရာ ဖြင့် သေဆုံးနေသည့် အမျိုးသားကို မူဆယ် ပြည်သူ့ ဆေးရုံ သို့ ပို့ဆောင်ထားကြောင်း သိရသည်။
အဆိုပါ သေနတ်ပစ်ခံရသည့် ကိစ္စဖြင့် ပတ်သတ်ပြီး ဟိုမွန်ရပ်ကွက်တွင် နေထိုင်သည့် အမျိုးသမီး တဦး ပြောပြချက်အရ “ လူငယ် ၂ ဦး ကားနဲ့လာပြီး ပစ်သွားတာပါ။ ဘယ် အဖွဲ့အစည်းကလည်း ဘာပြဿနာတွေရှိလဲဆိုတာတော့ မသိဘူး” ဟု သျှမ်းသံတော်ဆင့် ကို ပြောသည်။
သျှမ်းပြည်နယ်မြောက်ပိုင်း မူဆယ်မြို့တွင် လက်နက်ကိုင် အဖွဲ့အစည်း၊ ပြည်သူ့စစ် များစွာ တည်ရှိကာ မကြာခဏ သေနတ်ပစ်ခံရသည့် အမှု၊ လုယက်မှု များ ရှိသည့် ဒေသ ဖြစ်သည်။
တရုတ်နယ်စပ်တွင် လက်နက်များအလွန်တကူ ဝယ်ယူနိုင်ပြီး၊ မူယစ်ဆေးဝါး ရောင်းဝယ်ခြင်း၊ မူးယစ်ဆေးဝါး သားကောင်များလည်း ကျင်လည် ကျက်စားသည့် ဒေသဖြစ်သည်။
ထို့ပြင် လောင်းကစားရုံလည်း ပေါများသည့် ဒေသတခုဖြစ်သည်။
