သျှမ်းပြည် မြောက်ပိုင်း လားရှိုးမြို့တွင် ယနေ့မနက် ပိုင်းက သက်ငယ်မုဒိမ်း ပပျောက်ရေး နှင့် “ ဗစ်တိုးရီးယား အတွက် တရားမျှတမှုရရှိရေး ” အတွက် ဒေသခံ ၆၀၀ ဝန်းကျင် ဆန္ဒထုတ်ဖော်မှု ပြုလုပ်ခဲ့ကြောင်း သတင်းရရှိသည်။
အဆိုပါ ဆန္ဒ ထုတ်ဖော်မှုတွင် သက်ငယ်မုဒိမ်း မှု ပပျောက်ရေး အမြန်ဆုံး ဆောင်ရွက်ပေးရေး ၊လူတိုင်း အတွက် တရားမျှတမှု ရရှိအောင် ဆောင်ရွက်ပေး ရေး နှင့် “ Justice for Victoria” ဆိုသည့် ဆိုင်းဘုတ် များ ကိုင်ဆောင်ကာ လားရှိုးမြို့ ဗောဓရုံကျောင်းမှ ဗျူဟာလမ်းထိပ် ထိ ချီတက်ဆန္ဒထုတ်ဖော်ခဲ့ကြောင်း အဆိုပါ ဆန္ဒပြပွဲကို ဦးဆောင်သည့် မထွေးထွေး က ပြောပြသည်။
“ အဓိကတော့ ဗစ်တိုးရီးယား လို အဖြစ်မျိုး နောက်ထပ် မဖြစ်စေချင်တော့ဘူး။ တကယ်လို့ ဖြစ်လာခဲ့ရင်လဲ ထိရောက်တဲ့ ပြစ်ဒဏ် ဒါမှ မဟုတ် သေမိန့် ပေးစေချင်ပါတယ်” ဟု ဆန္ဒပြပွဲ စီစဉ်သူ မထွေးထွေး က သျှမ်းသံတော်ဆင့် သို့ ပြောသည်။
မြန်မာနိုင်ငံတွင် သက်ငယ်မုဒိမ်းဖြစ်ပွားမှု တနှစ်ထက် တနှစ် ရာခိုင်နှုန်း ပိုများလာပြီး နေ့စဉ် နှင့် အမျှ သက်ငယ်မုဒိမ်းမှု ကိုကြားသိနေရသည်။
၂၀၁၇ ခုနစ် မှ ၂၀၁၉ ခုနစ် ဇွန်လအထိ ဖြစ်ပွားခဲ့သည့် သက်ငယ်မုဒိမ်းမှုများမှာ ၂၀၁၇ ခုနှစ်တွင် သက်ငယ်မုဒိမ်းမှု ၆၃.၈၄ရာခိုင်နှုန်း၊ ၂၀၁၈ ခုနစ် တွင် ၆၄.၉ ၃ရာခိုင်နှုန်း နှင့် ၂၀၁၉ ခုနစ် ဇွန်လ အထိ ၆၇.၉ ၈ ရာခိုင်နှုန်းထိ တိုးမြှင့်လာကြောင်း သိရသည်။
