သျှမ်းပြည် အရှေ့ပိုင်း မိုင်းယောင်းမြို့နယ်တွင် တရားမဝင် ခိုးဝင် လာသည့် တရုတ်နိုင်ငံသား ၄ ဦး ဖမ်းဆီးရမိကြောင်း သတင်းရရှိသည်။
ဇွန် ၅ ရက် မနက် ရ နာရီခွဲက မိုင်းယောင်းမြို့အဝင် ဘီးခွန်ဂိတ်တွင် တရားမဝင် ဝင်ရောက်လာသည့် တရုတ်နိုင်ငံသား ၄ ဦး နှင့် ယာဉ်မောင်း စိုင်းအောင် တို့ကို ဖမ်းဆီးရမိခြင်းဖြစ်သည်။
အဆိုပါ တရုတ်နိုင်ငံသား ၄ ဦးအား တဦးလျှင် တရုတ်ငွေ ယွမ် ၁၅၀၀ နှုန်းကောက်ခံကာ အထူးဒေသ (၄)၊ နမ့်ပန်းရှိ ကျင်းရဲသို့ ပို့ဆောင်ပေးရန် တာချီလိတ်မှ တင်လာကြောင်း သိရသည်။
ထို တရုတ် ၄ ဦး သည် ကမ္ဘေားဒီးယား နိုင်ငံရှိ စားသောက်ဆိုင် တွင် အလုပ်လုပ်ရန် သွားရောက်ခဲ့ပြီး လွန်ခဲ့သည့် နှစ်ရက်ခန့်ကမှ ထိုင်းနိုင်ငံသို့ ရောက်ခဲ့ကြောင်း၊ ဇွန် ၅ ရက် နံနက် ၄ နာရီခွဲ တွင် တာချီလိတ်မှ ကျင်းရဲ သို့ ထွက်ခွာ ခြင်းဖြစ်ကြောင်းဆိုပါသည်။
ယင်း ဖမ်းဆီးခံရသည့် တရုတ် အမျိုးသား ၄ ဦး နှင့် ကားမောင်းခေါ်ဆောင်လာသည့် ယာဉ်မောင်း စိုင်းအောင် ကို မိုင်းယောင်းမြို့မ ရဲစခန်း မှ စစ်ဆေးနေကြောင်း မြန်မာ့အလင်းသတင်းတွင်ဖော်ပြထားသည်။
Leave a Comments