မြန်မာနိုင်ငံအတွင်း ကျေးလက်၊ မြို့နေများ စာသင်ကျောင်းနှင့် ၂ ကီလိုမီတာ ဝေးကွာနေသည့်နေရာများတွင် နေထိုင်သည့် ကလေးများအတွက် စက်ဘီး Lesswalk ပေးသွားမည် ဟု သတင်းရရှိသည်။

စင်္ကာပူ နိုင်ငံနှင့် မလေးရှား နိုင်ငံတွင် လုပ်ငန်းဖျက်သိမ်းလိုက်သည့် စက်ဘီး အငှား ကုမ္ပဏီ ဖြစ်သည့် ofo နှင့် oBike တို့မှ စက်ဘီးစီးရေ ၁ သောင်း ကို မြန်မာနိုင်ငံရှိ ချို့တဲ့နွမ်းပါး ကျောင်းသား ကလေးများအား ပေးအပ်သွားမည် ဟု Lesswalk တည်ထောင်သူ ဦးသန်းထွန်းဝင်း က ၄င်းပိုင် လူမှုကွန်ရက် ဖေ့ဘွတ် စာမျက်နှာတွင် ရေးသားထားသည်။

ကျောင်းသို့ တမိုင် ကျော်ကျော် ခြေလျင်လျှောက် ကျောင်းတက်နေရသည့် ကလေးငယ်များကို အခမဲ့ ဖြန့်ဝေသွားမည် ဟု လည်း ဦးသန်းထွန်းဝင်း ၏ လူမှု ကွန်ရက်တွင် ရေးသားထားသည်။

စက်ဘီး များ ဝယ်ယူပြင်ဆင် သယ်ဆောင်ရသည့် စာရိတ် စုစုပေါင်း ဒေါ်လာ ၃ သိန်းခွဲ မှ ၄ သိန်း ကုန်ကျပြီး ကုန်ကျစာရိတ် တဝက်ကို စပွန်ဆာပေးမည်သူများက ပေးချေမည်ဖြစ်ပြီး ကျန် သည့် ငွေများကို Lesswalk မှ ကျခံသွားမည် ဟု သိရသည်။

လက်ရှိတွင် မြန်မာနိုင်ငံသို့ စက်ဘီး စီးရေ ၃ ထောင်တင်ဆောင်သည့် သင်္ဘော ရောက်ရှိနေပြီဖြစ်ပြီး ကျန်သည့် စက်ဘီးများကို ဇွန်လကုန်တွင် လည်းကောင်း၊ ၂၀၁၉ ခုနစ် နှစ်ကုန်တွင် လည်းကောင်း ရောက်ရှိမည့်ဖြစ်ကာ ကျောင်းသားလေးများအား စက်ဘီး ပေးအပ်နိုင်မည် ဟု မျှော်လင့်ထားကြောင်းသိရသည်။