သျှမ်းပြည် တောင်ပိုင်း ဟိုပုံးမြို့နယ် နားလုံကျေးရွာတွင် ဆိုလာပြားဖြင့် လက်ကိုင်ဖုန်း အားသွင်းရာမှ မီးလောင်မှု ဖြစ်ပွားကာ အမျိုးသမီး ငယ် တဦး သေဆုံးခဲ့ကြောင်း သတင်းရရှိသည်။
ဇွန် ၁ ရက်နေ့က နားလုံကျေးရွာ တွင် ဆိုလာပြားနှင့် ချိတ်ထားသည့် ဘတ္ထရီ အိုးဖြင့် လက်ကိုင်ဖုန်း အားသွင်းစဉ် အပူလွန်ကဲရာ မှ ဖုန်းပေါက်ကွဲကာ အသက် ၁၅ နှစ် အရွယ်ရှိ နန်းခမ်းပိုင်း မီးလောင်ကာ သေဆုံးခဲ့ကြောင်း ဟိုးပုံမြို့မ ရဲစခန်းမှ တာဝန်ရှိသူ တဦးက ပြောသည်။
“ ဆိုလာပြားနဲ့ ချိတ်ထားတဲ့ ဘတ္ထရီ အိုး ကနေ ဖုန်း အားသွင်းတယ်။ အဲ့မှာ ဖုန်းက အပူလွန်ပြီး ပေါက်ကွဲ တယ်။ အိပ်ယာခင်းကို မီးကူးပြီး မီးလောင်သွားတာပါ” ဟု ဟိုပုံးမြို့မ ရဲစခန်း က တာဝန်ရှိသူတဦးကပြောသည်။
အဆိုပါ အိမ်မီးလောင်မှုကို မိသားစု ဝင်များနှင့် အိမ်နီးနားချင်းများက မီးကူဝိုင်းငြိမ်းသတ်ခဲ့ပြီး၊ အသက် ၁၅ နှစ်အရွယ် နန်းခမ်းပိုင်းကိုမူ မီးလောင်ဒဏ်ရာဖြင့် သေဆုံးနေသည်ကို တွေ့ခဲ့ရကြောင်း၊ ထို မိန်းကလေး မီးလောင်ဒဏ်ရာဖြင့် သေဆုံးခဲ့သဖြင့် ဟိုပုံးမြို့မ ရဲစခန်းမှ ရာဇသတ်ကြီး ပုဒ်မ ၂၈၅ / ၃၀၄ ဖြင့် အမှုဖွင့် စစ်ဆေး ဆောင်ရွက်နေကြောင်း ရဲစခန်းမှ သိရသည်။
မေ ရ ရက်နေ့တွင်လည်း သျှမ်းပြည် မြောက်ပိုင်း ကွတ်ခိုင်မြို့တွင် ဝါယာရှော့ကြောင့် ဖုန်းအားသွင်းရာမှ မီးလောင်မှု ဖြစ်ပွားကာ အသက် ၃၀ ကျော် အမျိုးသားနှင့် အမျိုးသမီး သေဆုံးခဲ့သည်။
Leave a Comments