၂၀၀၈ ဖွဲ့စည်းပုံအခြေခံဥပဒေကို ကာကွယ်စောင့်ရှောက်နေသာ တပ်မတော် ထောက်ခံပွဲ နှင့် ပုဒ်မ (၂၆၁ ) ကိုဥပဒေနှင့် အညီပြင်ဆင်ပေးရေး အတွက် အမျိုးသားလုံခြုံရေးကွန်ရက်ဗဟိုမှ ဦး ဆောင်သည့် ဆန္ဒထုတ်ဖော်ပွဲတရပ် ပြုလုပ်ခဲ့သည်။
သျှမ်းပြည်နယ်မြို့တော် တောင်ကြီးတွင်အဆိုပါ လမ်းလျှောက် ဆန္ဒထုတ်ဖော်ပွဲကို လူအင်အား ၂၀၀ ခန့်က မေလ ၁၅ ရက်နေ့က ပြုလုပ်ခဲ့ခြင်းဖြစ်သည် ။
“ ဒီနေ့ကျင်းပရတဲ့ရည်ရွယ်ချက်က၂၀၀၈ဖွဲ့စည်းပုံအခြေခံဥပဒေကိုပြင်သင့် ပြင်ထိုက်တဲ့ ပုဒ်မတွေကိုလည်း ပြင်မယ်လို့တပ်မတော်ကပြောထားတယ် ၊ ၂၀၀၈ ဖွဲ့စည်းပုံအခြေခံဥပဒေကိုကာကွယ်စောင့်ရှောက်နေတဲ့ တပ်မတော် ကို ကျနော်တို့ကထောက်ခံတယ်။ နောက်ပြီး ပုဒ်မ ၂၆၁ ကိုဥပဒေနဲ့အညီ နိုင်ငံတော် ကပြင်ဆင်ပေးဖို့ကျနော်တို့က တောင်းဆို ဆန္ဒဖော်ထုတ်ကြတာပါ ” ဟု အမျိုးသား လုံခြံုရေးလူမှုကွန်ရက်ဗဟိုဥက္ကဌ ဦးနေဝင်းထွေး ကပြောသည် ။
ဖွဲ့စည်းပုံဥပဒေ ပုဒ်မ ၂၆၁ သည် ပြည်နယ်နှင့်တိုင်းဝန်ကြီးချုပ်များအား သမ္မတမှတိုက်ရိုက် ခန့်အပ်ခွင့် မရှိပဲ ၊ သက်ဆိုင်ရာပြည်နယ်နှင့် တိုင်း လွှတ်တော်မှ ခန့်အပ် ပိုင်ခွင့်ရှိသည်ဟု ဖော်ပြထားသည်။
လမ်းလျှောက်ဆန္ဒထုတ်ဖော်မည့်သူများသည် တောင်ကြီးမြို့ စစ်မှုထမ်းဟောင်ရုံးရှေ့ ၊ မင်းကွန်း ကျောင်းတိုက် အနီးတွင် စုဝေး၍ ကျောက်တိုင်ကွင်းသို့ စီတန်း လှည့်လည် ပြီး ဟောပြောပွဲပါ ပြုလုပ်ခဲ့ကြောင်းသိရသည် ။
တောင်ကြီးမြို့ပေါ်တွင်အမျိုးသား လုံခြံုရေးလူမှုကွရက်ဗဟိုမှ ဦးဆောင်၍ စစ်တပ်ထောက်ခံပွဲပြုလုပ်လာသည်မှာ (၃) ကြိမ်မြောက် ရှိပြီဖြစ်ပြီး တစ်ကြိမ်နှင့် တစ်ကြိမ်ခေါင်းစဉ်မတူကြောင်းတွေ့ရသည် ။
