ဖမ်းဆီးရမိသော အိုက်စ်မူးယစ်ဆေး များအား RCSS/SSA မှ နိုင်ငံတော်သို့လွဲပြောင်းပေးအပ်ခြင်းအခမ်းအနားတရပ်ကို သျှမ်းပြည်အရှေ့ပိုင်း မိုင်းတုံမြို့တွင်ကျင်းပခဲ့ကြောင်းသိရသည်။
အခမ်းအနားအား မိုင်းတုံမြို့နယ် ရဲစခန်းတွင် နေ့လည် ၁၁ နာရီမှ ၁၂ ခွဲအထိ ကျင်းပပြုလုပ်ခဲ့ပြီး အစိုးရဘက်မှ ခရိုင်ရဲမှူးနှင့်မြို့နယ်ရဲမှူးတို့တက်ရောက်ကာ RCSS/SSA မှ ပေးအပ်သောမူးယစ်ဆေးများကို လက်ခံကြောင်း သိရသည်။
ကျနော်တို့ဘက်ကတော့ ဗဟိုကော်မတီဝင်ဗိုလ်မှူးကြီးတင်းခေးနဲ့ ဗိုလ်မှူးစိုင်းဟန် တို့ကနေ ဖမ်းဆီးရမိတဲ့ အိုက်စ် မူးယစ်ဆေးဝါး ၃၀ ကီလိုဂရမ်ကို ခရိုင်ရဲမှူးတွေဆီ ပေးအပ်တယ်။ မိုင်းတုံ မိုင်းဆတ်က ဌာနဆိုင်ရာတာဝန်ရှိပုဂ္ဂိုလ် ၅၀ လောက်တက်ရောက်ပါတယ်။ – ဟု RCSS/SSA ၏ အရာရှိတဦးက သျှမ်းသံတော်ဆင့်အားပြောပြသည်။
အဆိုပါ အိုက်စ် မူးယစ်ဆေးများကို ပြီးခဲ့သည့်မတ်လ ၂၆ ရက်နေ့က RCSS/SSA မှ ဖမ်းဆီးရမိသော ဆေးဝါးများဖြစ်ကြောင်းလည်းသိရသည်။
