သျှမ်းပြည် မြောက်ပိုင်း သီပေါမြို့နယ်တွင် နွားတင်ကား ၂ စီး သေနတ်ပစ်ခံရပြီး ကားသမား တဦး သေဆုံး တဦး ဒဏ်ရာရရှိကြောင်း သတင်းရရှိသည်။
ဖြစ်စဉ်မှာ မေလ ၁ ရက် ညနေ ၅ နာရီခွဲက သီပေါမြို့ မန်ဟိုင်းကျေးရွာ အနီး တွင် နွားကားတစီးပစ်ခတ်ခံရပြီး ကာသမားတဦး ဒဏ်ရာရရှိသွားကြောင်းသိရသည်။
ည ရနာရီ ဝန်းကျင်ခန့်တွင်ထပ်မံ၍ သီပေါမြို့ နယ် ပန်စဝ်မိန်း ကျေးရွာ နှင့် ဆွပ်လန်းကျေးရွာ ကြားတွင် နွားကားတစီးထပ်မံ ပစ်ခတ်ခံရကာ ကားသမား ၁ ဦး သေဆုံးသွားကြောင်း သီပေါ နယ်စည်းမခြား ပရဟိတ (သီပေါ) မှ ကိုမျိုးက ပြောသည်။
“ မနေ့က ဖြစ်စဉ်က တော့ ၂ ခါဖြစ်တယ်။ တဦးသေ တဦးက ပေါင်မှာ ဒဏ်ရာရတယ် လို့ ပြောလို့ရတယ်။ ဒီလို မဖြစ်တာ ကြာပြီ။ ဘယ်အဖွဲ့က ပစ်လည်း ဆိုတာ မသိဘူး” ဟု ကိုမျိုး ကဆိုသည်။
အဆိုပါ နွားများတင်ဆောင်လာသည့် ၁၂ ဘီးကားကြီး ရ စီးသည် စစ်ကိုင်းတိုင်း ဒေသကြီး ကန့်ဘလူ မှ တရုတ် – မြန်မာ နယ်စပ် မူဆယ်ကို တင်ပို့မည့် ကေခိုင်ကျော် ကုမ္မဏီမှ ကားများဖြစ်ကြောင်း သိရသည်။
သျှမ်းပြည် မြောက်ပိုင်း သီပေါမြို့နယ် နှင့် ကျောက်မဲမြို့နယ် ကြားတွင် နွားကားများမကြာခဏပစ်ခံရပြီး ကျည်ထိမှန် သေဆုံးသည့် ကားသမားများ၊ ယာဉ်နောက်လိုက်များသည် သေဆုံးမှု များလာသည်။
Leave a Comments