ပစ်ခတ်တိုက်ခိုက်မှု ရပ်စဲရေး နှင့် ထာဝရ ငြိမ်းချမ်းရေး အတွက် တိုင်းစစ်ဌာနချုပ် နယ်မြေ များ ၌ စစ်ရေး ဆိုင်ရာ လှုပ်ရှားမှုကို ဇွန် ၃၀ ရက်ထိ ထပ်မံ တိုးမြှင့်ရပ်ဆိုင်းပေးလိုက်ကြောင်း သိရသည်။
တပ်မတော် အနေဖြင့် တိုင်ရင်းသား လက်နက်ကိုင် အဖွဲ့အစည်းများ၏ တောင်းဆိုချက်အရ ထာဝရ ငြိမ်းချမ်းရေး ရရှိစေရန် ဦးတည်လျက် ငြိမ်းချမ်းရေး လုပ်ငန်းစဉ် အဆင့်ဆင့် ပိုမိုထိရောက်စွာ ဆက်လက်ဆောင်ရွက်နိုင်ရန် အတွက် ဇွန်လ ၃၀ရက်ထိ ထပ်မံ တိုးမြှင့် ရပ်ဆိုင်းပေးသွားမည်ဖြစ်ကြောင်း တပ်မတော်ကာကွယ်ရေး ဦးစီးချုပ်ရုံး က ယနေ့ ဧပြီ ၃၀ရက်စွဲဖြင့် ထုတ်ပြန်ခဲ့သည်။
မြန်မာနိုင်ငံ၏ ငြိမ်းချမ်းရေးလုပ်ငန်းစဉ်များနှင့် စပ်လျဉ်း၍ တပ်မတော်အနေဖြင့် ငြိမ်းချမ်းရေး လုပ်ငန်းစဉ်များအား ထိရောက်စွာ ဆောင်ရွက်နိုင်ရေး ၂၀၁၈ ခုနှစ်၊ ဒီဇင်ဘာလ ၂၁ ရက် မှ ၂၀၁၉ ခုနှစ်၊ ဧပြီလ ၃၀ ရက်နေ့အထိ စစ်ရေး ရပ်ဆိုင်းပေးခဲ့ကြောင်း ၂၀၁၈ ဒီဇင်ဘာ ၂၁ ရက်စွဲဖြင့် တပ်မတော် ကာကွယ်ရေး ဦးစီးချုပ်ရုံး က သတင်းထုတ်ပြန်ခဲ့သည်။
အဆိုပါ စစ်ရေး ရပ်စဲရေး ကို မြောက်ပိုင်းတိုင်း စစ်ဌာနချုပ်နယ်မြေ၊ အရှေ့မြောက်တိုင်းစစ်ဌာနချုပ်နယ်မြေ၊ အရှေ့ပိုင်းတိုင်းစစ်ဌာန ချုပ်နယ်မြေ၊ အရှေ့အလယ်ပိုင်းတိုင်း စစ်ဌာနချုပ်နယ်မြေ၊ တြိဂံဒေသတိုင်းစစ်ဌာနချုပ် နယ်မြေများတွင် စစ်ရေးဆိုင်ရာ လှုပ်ရှားမှုအားလုံး ရပ်ဆိုင်းပေးခဲ့ကြောင်း သိရသည်။
စစ်ရေးဆိုင်ရာ လှုပ်ရှားမှုအားလုံးရပ်ဆိုင်းပြီး အပစ်အခတ် ရပ်စဲရေး ကာလအတွင်း NCA လက်မှတ်ရေးထိုးရန် ကျန်ရှိနေသေးသော တိုင်းရင်းသားလက် နက်ကိုင် အဖွဲ့အစည်းများမှလည်း ငြိမ်းချမ်းရေး ဆွေးနွေးမှုများ ပြုလုပ်ခဲ့ကြသည်။
တိုင်းရင်းသားလက်နက်ကိုင် အဖွဲ့အစည်းများဖြစ်သည့် ကချင် လွတ်မြောက်ရေး တပ်မတော် (KIA) ၊ တအာင်း (ပလောင်) အမျိုးသားလွတ်မြောက်ရေး တပ်မတော် ( TNLA နှင့် မြန်မာအမျိုးသား ဒီမိုကရေတစ် မဟာမိတ် တပ်မတော် (MNDAA) တို့မှ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA)အား လက်မှတ်ရေးထိုးနိုင်သည်အထိ ငြိမ်းချမ်းရေးလုပ်ငန်းစဉ်များအား ဆက် လက်ဆွေးနွေး ဆောင်ရွက်နိုင်ရေး အပစ်အခတ်ရပ်စဲရေးကာလအား ထပ်မံတိုးမြှင့်ပေး ရန် တောင်းဆိုလာခဲ့ သည်ဟုလည်း ယနေ့ တပ်မတော် ကာကွယ်ရေး ဦးစီးချုပ်ရုံး ၏ ထုတ်ပြန်ချက်တွင် ရေးသားထားသည်။
