တောင်ကြီးမြို့ပေါ်သင်္ကြန်ကာလ အကြိုလုံခြုံရေးအတွက်ပိတ်ဆို့ရှာဖွေမှုများ ပြုလုပ်ရာ တစ်ပတ်အတွင်း လက်နက်မှု (၃) မှုနှင့် မူးယစ်ဆေးဝါး မှု (၁၁) မှုစုစုပေါင်း(၁၄) မှု ဖမ်းဆီးအရေးယူနိုင်ခဲ့ကြောင်းတောင်ကြီးမြို့နယ် ရဲတပ်ဖွဲ့မှူး ရဲမှူးမောင်မောင်နိုင်ထံမှသိရ သည်။
” သင်္ကြန်ကာလမှာ ခိုက်ရန်ဖြစ် ပွားမှုတွေ ၊ သင်္ကြန်နဲ့ ပတ်သက်တဲ့ ရုန်းရင်းဆန်ခတ်မှုတွေ ၊ အရက်သေစာ မူးယစ်သောက်စားတာတွေ ၊ ကာမ ရာဂ စိတ်ကြွဆေးတွေစားပြီး မှုခင်းကျူးလွန်တာတွေ သင်္ကြန်တွင်းမဖြစ်သင့် တဲ့အမှုတွေ မဖြစ်အောင် ကြိုတင်ကာကွယ်တဲ့အနေနဲ့ အခုလို ပိတ်ဆို့ရှာဖွေစစ်ဆေးခြင်းဖြစ်တယ် ၊ တောင်ကြီးမြို့ပေါ် ၅ နေရာ လောက် ပိတ်ဆို့ ရှာဖွေမှုတွေပြုလုပ်သွားမှာ ဖြစ်တယ် ” – ဟု ရဲမှူးမောင်မောင်နိုင်က ပြောသည် ။
တောင်ကြီး မြို့ပြင် ၊ သစ်တောဂိတ် Royal Taunggyi hotel အနီးတွင် ဧပြီလ (၁၀) ရက်နေ့ ည ရ နာရီ ဝန်းကျင် အချိန်၌ သျှမ်းပြည်နယ် ရဲတပ်ဖွဲ့ နှင့် အုပ်ချုပ်ရေးပိုင်းအဖွဲ့များပူးပေါင်း၍ ပိတ်ဆို့ရှာဖွေမှုများ ပြုလုပ်ခဲ့ကြောင်း သိရသည် ။
” ခုခေတ်သင်္ကြန်က တစ်နှစ်ထက်တစ်နှစ် ရိုင်းလာတယ် ၊ လူငယ်တွေ ဆေးမူးမယ် ၊ အရက်မူးမယ် ၊ ရန်ဖြစ်ကြမယ် တော်တော် သတိထားရမယ့် အချက်တွေပါ ” ဟု တောင်ကြီးဒေသခံ အိုက်ထွန်းက ပြောသည် ။
တောင်ကြီးမြို့ပေါ်သင်္ကြန်ကာလအတွင်း ဖျော်ဖြေရေး မဏ္ဍပ်နှင့် အများပြည်သူအပမ်းဖြေသည့်နေရာ များတွင် လုံခြုံရေးအင်အား (၁၈၈) ဦးခန့် ထား ရှိမည်ဖြစ်ပြီးလှည့်ကင်းများ နေ့ရောညပါ လှည့်လည်ဆောင်ရွက်သွားမည်ဟု ရဲမှူးမောင်မောင်နိုင်ထံမှဆက်လက်သိရှိရပါသည် ။