ထိုင်းနိုင်ငံ ဘန်ကောက်မြို့တော် ပရထွန်းဝမ်းမြို့နယ်ရှိ Central World ဟိုတယ်နှင့်ကုန်တိုက်တွင် မီးလောင်မှုဖြစ်ပွါးရာ လူ ၃ ဦးသေဆုံးမှုရှိပြီး ရ ဦးထက်မနည်း ဒဏ်ရာရရှိကြောင်းသိရသည်။
ဧပြီလ ၁၀ ရက် ထိုင်းနိုင်ငံစံတော်ချိန် ညနေ ၅ နာရီ ၄၅ မိနစ်တွင် အထပ်ပေါင်း ၁၆ ထပ်ရှိ Central World ကုန်တိုက်၏ အထပ်နံပတ် ၈ မှ မီးလောင်မှုဖြစ်ပွါးခြင်းဖြစ်ကြောင်း ထိုင်းနိုင်ငံရုပ်သံလိုင်းများတွင်ဖော်ပြသည်။
တာဝန်ရှိရဲများက အထပ်နံပတ် ၈ ရှိ ကားပါကင်မှ မီးစလောင်သည်ဟုဆိုသူများရှိသကဲ့သို့ စာရွက်စာတမ်းများ သိုလှောင်ထားသည့်အခန်းမှ မီးစတင်လောင်ကျွမ်းသည်ဟုလည်းပြောဆိုနေကြသည်။ သို့သော် လက်ရှိအချိန်အထိ မီးလောင်ကျွမ်းရခြင်းအကြောင်းရင်းကို တရားဝင်ကြေငြာခြင်းမရှိသေးပေ။
သို့သော် ထိုင်းနိုင်ငံစံတော်ချိန် ည ၈ နာရီအချိန်တွင်မူ – မီးလောင်ကျွမ်းသည့် ၈ ထပ်မှ ခုန်ချသဖြင့် လူ ၁ ဦးပွဲချင်းပြီးသေဆုံးပြီး ၂ ဦးမှာ ကျူလားလုံးကွန်းဆေးရုံအရောက်တွင် သေဆုံးခဲ့ရကြောင်း၊ လူ ရ ဦးမှာ မီးခိုးမွန်ကာဒဏ်ရာရရှိသဖြင့် ရဲဆေးရုံတွင် ၅ ဦး ရတ်ချဝိထီဆေးရုံတွင် ၂ ဦး ဆေးကုသမှုခံယူနေကြောင်းထုတ်ပြန်ပါသည်။
