ကျောက်မဲမြို့လယ်ခေါင် ဗက(ငြိမ်း) တဦး သေနတ်ပစ်သတ်ခံရ

0

သျှမ်းပြည် မြောက်ပိုင်း ကျောက်မဲမြို့ မြို့လယ်ခေါင်တွင် အမျိုးသားတဦး သေနတ်ပစ်သတ်ခံရကြောင်း သတင်းရရှိသည်။

Photo credit to ကျောက်မဲသား တဦး- ပစ်ခတ်မှုဖြစ်ပွါးသည့်နေရာ

ဖေဖော်ဝါရီလ ၂၇ ရက် ယနေ့ည ရ နာရီအချိန်ခန့်က ကျောက်မဲမြို့ မြို့လယ်ခေါင် ဗလီ အနီးတွင် အဆိုပါ အမျိုးသား သေနတ်ပစ်ခြင်းခံရကြောင်း၊ သေနတ်ပစ်ခံရသူသည် ဗိုလ်ကြီး(ငြိမ်း) ဦးရဲလင်းအောင် ဆိုသူဖြစ်ကြောင်း ကျောက်မဲမြို့ ဇီဝိတ လူမှု ကူညီရေး အသင်းမှ ဦးတင်မောင်သိန်း က သျှမ်းသံတော်ဆင့်သို့ ပြောသည်။

“ ဗက(ငြိမ်း) ဦးရဲလင်းအောင် နဲ့ သူ့ တပည့်က ဆိုင်ကယ် စီးလာတယ်။ မြို့လယ်ခေါင် ဗလီအနီးမှာ ည ရ နာရီ ၂၀ လောက်ပစ်ခံရတယ်” ဟု ဦးတင်မောင်သိန်းက ဆိုသည်။

ရင်ဘတ်တွင်ထိသဖြင့် ပစ်ခတ်ခံရသည့်နေရာတွင် ပွဲချင်းပြီးသေဆုံးခဲ့ကြောင်းလည်း ကျောက်မဲဒေသခံတဦးကပြောသည်။

Photo credit to ကျောက်မဲသား တဦး- ပစ်ခတ်သည့်ကျည်ဆံမှ ကျည်ခွံ

သေနတ်ပစ်ခံရသည့် ဗက (ငြိမ်း)ဦးရဲလင်းအောင်သည် ကျောက်မဲမြို့ တွင် နာမည်ကြီး ပွဲစားကြီး သူဌေး ဦးသစ်လွင် ၏ သားမက်ဖြစ်ကြောင်း သိရသည်။

အဆိုပါ ကိစ္စနှင့်ပတ်သက်ပြီး လတ်တလော မဖြေကြားနိုင်သေးဟု ကျောက်မဲမြို့ မြို့မ ရဲစခန်းက ပြောသည်။

ပစ်ခတ်မှုလက်သည်မှာ ဆိုင်ကယ်စီး လူ ၂ ဦးဖြစ်ပြီး ပစ်ခတ်ပြီးသည်နှင့်ထွက်ပြေးသဖြင့် လက်ရှိအချိန်အထိ ဖမ်းမိခြင်းမရှိသေးကြောင်းလည်း – သိရပါသည်။

Leave a Comments

SHARE

LEAVE A REPLY

Please enter your comment!
Please enter your name here