သီပေါရှိ စစ်ဘေးရှောင်များ နေရပ်မပြန်နိုင်သေး စားသောက်ဖွယ်ရာများလိုအပ်

0

သျှမ်းပြည်မြောက်ပိုင်း သီပေါမြို့နယ် နားမခေါ်အုပ်စု နားမခေါ်ဘုန်းကြီးကျောင်းတွင်ရောက်ရှိနေသော စစ်ဘေး ရှောင် ၅၀၀ ကျော်အတွက် စေတနာရှင်များ၏ အလှူငွေဖြင့် ဒေသတွင်းလူငယ်ထုမှ ကူညီ ထောက်ပ့ံမှုများ ပေးအပ်ခဲ့ကြောင်းသိရသည်။

 

Photo by Mr. Moon On/နားမခေါ်ဘုန်းကြီးကျောင်းရှိ စစ်ဘေးရှောင် ကျောင်းသားလူငယ်လေးများအား စေတနာရှင်များကကူညီထောက်ပံ့မှုပေးအပ်

ဇန်နဝါရီလ ၂၃ နှင့် ၂၄ ရက်နေ့က တာချီလိတ်မြို့မှ အလှူရှင်ကြီး ဦးကျော်ငြိမ်း ဒေါ်နန်းစံဖောင်းတို့၏ ကူညီထောက်ပ့ံမှုပစ္စည်များနှင့်အတူ ခိုလမ်၊ လဲချားမြို့မှ လူငယ်များ၏စုပေါင်းအင်အားဖြင့် စစ်ဘေးရှောင် များအား သွားရောက်ကူညီထောက်ပ့ံမှုပေးအပ်ကာ အားပေးဖေးမမှုပြုခဲ့ကြောင်း ခိုလမ်လူငယ် စိုင်းမွန်း ကပြောသည်။

“ကျနော်တို့လူငယ်အဖွဲ့က သွားပြီးကူညီထောက်ပ့ံမှုပေးတာကတော့ စားသောက်ဖွယ်ရာတွေနဲ့ ကျောင်းသားလေးတွေအတွက် စာအုပ်တွေ ခဲတံတွေ စာရေးကိရိယာတွေပေါ့။ အခုဒီမှာ စာမေးပွဲဖြေရမယ့် ကျောင်းသားလေးတွေ ၁၀၀ လောက်ရှိတယ်။ပညာရေးဌာနကသူတို့ကို ဒီဘုန်းကြီးကျောင်းမှာဘဲ စာလာသင်ပေးတယ်။ စာဖြေဖို့တော့ ဘယ်လိုစီစဉ်ကြမလဲမသိသေးဘူးလို့ပြောပါတယ် ” – ဟု သျှမ်းသံတော်ဆင့်အားပြောပြသည်။

လက်ရှိ နားမခေါ်ဘုန်းကြီးကျောင်းတွင် ခိုလှုံနေသည့် စစ်ဘေးရှောင်ရွာသား ၅၈၀ ကျော်ရှိပါသည်။ တွန်ကျိုင်းရွာ၊ ၀မ်ဟုံရွာ၊ တာလုံရွာ နိုင်းလုံရွာဟိုနားရွာတို့မှ ရွာသားများဖြစ်ကြသည်။

“တာ့လုံရွာသားတွေလည်းနေရပ်အရမ်းပြန်ချင်နေကြပြီ။ ပြောင်းတွေ ပဲတွေယူရမယ်။တချို့ဆို ချိုးထားတယ်မသိမ်းရသေးဘူး။ ပြန်သွားသိမ်းချင်တာလေ။ တချို့လည်း တိုက်ပွဲကြောင့် ကမန်းကတန်းထွက်လာရတာ အိမ်တံခါးတောင်မပိတ်လိုက်ရဘူး။ ဒီမနက်တချို့ပြန်သွားကြည့်တယ်။ အခြေအနေကလုံးဝ တင်းမာနေသေးတဲ့အတွက်မနေရဲကြဘူး။ ကျောင်းကိုပြန်လှည့်လာကြတယ် ။ ” – ဟု ကူညီထောက်ပ့ံရေးအဖွဲ့တွင်ပါ၀င်သည့် လူငယ်တဦးကလည်း ပြောသည်။

Photo by Mr. Moon On/နားမခေါ်ဘုန်းကြီးကျောင်းရှိ စစ်ဘေးရှောင် ကျောင်းသားလူငယ်လေးများအား ခိုလမ်၊ လဲချားလူငယ်အဖွဲ့က စာရေးကိရိယာများ ကူညီထောက်ပံ့မှုပေးအပ်

“နေရပ်မပြန်နိုင်သေးတဲ့ စစ်ဘေးရှောင်တွေ ရက်တွေလည်းကြာလာပြီဆိုတော့ အစားအသောက်တွေ အသုံးအဆောင်တွေ တကယ်လိုအပ်နေပါတယ်။ ဖြစ်နိုင်ရင်တော့ ရပ်နီးရပ်ဝေးကစေတနာရှင်တွေကို လာရောက်ကြည့်ရှုကူညီအားပေးဖို့ ဖိတ်ခေါ်ချင်ပါတယ် ” – ဟု စစ်ဘေးရှောင်များအား ကူညီထောက်ပ့ံမှု သွားပေးခဲ့သည့် စိုင်းမွန်းက သျှမ်းသံတော်ဆင့်အားပြောပြသည်။

သီပေါမြို့နယ်အတွင်း နားမခေါ်ဘုန်းကြီးကျောင်းအပြင် တွန်ကာဟောခန်းမ၊ နားကန်ကျောင်းတိုက် နောင်အန်ကျောင်းတိုက်နှင့် လီဆူးခရိယာန်ကျောင်းတို့တွင်လည်း စစ်ဘေးရှောင်များခိုလှုံနေကြသည်။ လက်ရှိသီပေါမြို့တွင် နေရပ်မပြန်နိုင်သေးသည့် စစ်ဘေးရှောင်စုစုပေါင်း ၁၀၀၀ ကျော်ရှိသေး သည်ဟုသိရပါသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE

LEAVE A REPLY

Please enter your comment!
Please enter your name here