သျှမ်းပြည်နယ် တာချီလိတ်မြို့ မယ်ခေါင်ရပ်ကွက် ဗိုလ်ချုပ်လမ်းမပေါ် တွင် သေနတ်ပစ်ခတ်မှုဖြစ်ပွားပြီး အမျိုးသားတဦး ဒဏ်ရာ ရရှိခဲ့ကြောင်း သိရသည်။
ဇန်နဝါရီလ ၂၁ ရက် မနက် ၁ နာရီအချိန်တွင် မယ်ခေါင်ရပ်ကွက် ဗိုလ်ချုပ်လမ်းမပေါ်ရှိ ၉ ၉ ၉ အကင်ဆိုင်တွင် သောက်စားမူးယစ်ကြပြီးနောက် ပခုံးချင်းတိုက်မိရာမှ အချေအတင်စကားများကြပြီး သေနတ်ပစ်ခတ်မှု အထိ ဖြစ်ပွါးခဲ့ကြခြင်းဖြစ်ကြောင်းသိရသည်။
“ သေနတ်ဒဏ်ရာ က ယာဘက်နံရိုးအောက် ကျည်ထောက်ဝင်ဒဏ်ရာ တချက်ပါ။ စိုးရိမ်ရတယ်လို့ ပြောပါတယ်။” ဟု ၄င်းကဆိုသည်။
အသက် ၂၀ ဝန်းကျင်အရွယ်ရှိ ထိုင်းအမျိုးသားတဦးက မြန်မာနိုင်ငံမှ တရုတ်အမျိုးသားတဦးကို သေနတ်ဖြင့် ပစ်ခဲ့ကြောင်း တာချီလိတ်မြို့မ ရဲစခန်းမှ တာဝန်ကျ ရဲက ပြောသည်။
“ ဟိုနေ့က သေနတ်ပစ်တာ ကျမအိမ်ဘေးနားကဆိုင်ပါ။ စားသောက်ရင်း ပုခုံးချင်းတိုက်မိလို့ဆိုလားဘဲ ထိုင်း ကောင်လေးက သေနတ်နဲ့ပစ်လိုက်တာ ။ ဒဏ်ရာပြင်းထန်လို့ ဟိုဘက်ကမ်း( မယ့်ဆိုင်) ဆေးရုံကို ခေါ်သွားရတာ ” ဟု တာချီလိတ်မြို့ မယ်ခေါင်ရပ်ကွက် အခင်းဖြစ်သည့်ဆိုင်ဘေးတွင် နေထိုင်သည့် ပါ့နန်းဆာ က ပြောသည်။
သေနတ်ပစ်ခံရသည့် အမျိုးသားသည် ကျိုင်းတုံမြို့ မိုင်းဇင်းကျေးရွာ အုပ်စုတွင်နေထိုင်သူဖြစ်ပြီး၊ သေနတ်ပစ်ပြီး ထွက်ပြေးနေသူကိုမူ ဖမ်းမိရန် တာချီလိတ်ရဲတပ်ဖွဲ့မှ ကြိုးစားဆောင်ရွက်နေကြောင်း၊ တာချီလိတ်မြို့မ ရဲစခန်း တွင် (ပ) ၃၁/၂၀၁၉၊ ရာဇသတ်ကြီး ဥပဒေ ပုဒ် ၃၀၇/၃၂၆ ဖြင့် အမှုဖွင့် အရေးယူဆောင်ရွက်ထားကြောင်းသိရသည်။
Leave a Comments