တိုက်ပွဲများရပ်တန့်ရန် သျှမ်းလူထု ၄ ထောင်ကျော်လက်မှတ်ထိုး တောင်းဆို

0

သျှမ်းလက်နက်ကိုင် တိုက်ဖွဲ့ ၂ ဖွဲ့ တိုက်ပွဲများရပ်တန့်ပေးရန်အတွက် သျှမ်းလူထု ၄ ထောင်ကျော် လက်မှတ် ရေးထိုး တောင်းဆိုလိုက်ကြောင်း သတင်းရရှိသည်။

သျှမ်းလက်နက်ကိုင် ၂ ဖွဲ့ဖြစ်သည့် သျှမ်းပြည် ပြန်လည် ထူထောင်ရေး ကောင်စီ RCSS နှင့် သျှမ်းပြည် တိုးတက် ရေး ပါတီ SSPP တို့သည် နိုဝင်ဘာလကတိုက်ပွဲစတင်ဖြစ်ပွါးလာခဲ့ရာ အရပ်သားပြည်သူများ စစ်ရှောင် နေ ကြပြီး၊ အသက်သေဆုံးမှုများလည်းရှိခဲ့သည်။

တိုက်ပွဲကြောင့် အရပ်သားပြည်သူများ စစ်ရှောင်နေရသဖြင့် လယ်ယာစိုက်ပျိုးမှုများမပြုလုပ်ခဲ့ပေ။ ထို့အတွက် စစ်ပွဲများ ရပ်တန့်ရန် ပြည်သူများက လက်မှတ်ရေးထိုးကာ ၂ ဖက် သျှမ်းလက်နက်ကိုင်များကို စာပို့ ခဲ့ကြောင်း နားမခေါ်ကျေးရွာသို့ စစ်ဘေးရှောင်လာသည့် နန်းလောဝ်ခမ်း က ပြောသည်။

“ သျှမ်းလက်နက်ကိုင် ၂ ဖွဲ့လုံးရဲ့ခေါင်းဆောင်တွေကို သျှမ်းပြည်လူထုကို စာနာထောက်ထားသောအားဖြင့် အလျင် အမြန်တွေ့ဆုံပေးဖို့နဲ့ တိုက်ပွဲတွေ ရပ်တန့်ပေးဖို့ စစ်ဘေးရှောင်တွေ ပြည်သူတွေ အားလုံး စုပေါင်းပြီး လက်မှတ်ထိုး ပြီး ပို့တာပါ။ လက်မှတ်ကတော့ ၄၆၈၈ ယောက်ရပါတယ်” ဟု နန်းလောဝ်ခမ်း က ဆိုသည်။

ထိုနည်းတူ သျှမ်းလက်နက်ကိုင် ၂ ဖွဲ့တိုက်ပွဲများရပ်တန့်ရန် အတွက် ၂ ဖက်ခေါင်းဆောင်များတွေ့ဆုံဆွေးနွေးပြီး အဖြေရှာရန် သျှမ်းပြည်ညီညွတ်ရေးကော်မတီ အစည်းအဝေး CSSU မှ ဒီဇင်ဘာ ၃၁ ရက်နေ့တွင် စာရေး ပို့ခဲ့ ကြောင်းသိရသည်။

ဒီဇင်ဘာလနှောင်းပိုင်းက သျှမ်းလက်နက်ကိုင် ၂ ဖွဲ့ တိုက်ပွဲဖြစ်ပွားမှုကြောင့် သီပေါမြို့နယ် အတွင်း စစ်ရှောင် ၁၆၀၀ ကျော် ထွက်ပြေး တိမ်းရှောင်နေကြရသည်။ပြီးခဲ့နှစ်အတွင်း နားမခေါ်ရွာသားများ ၅ ကြိမ်ထက်မနည်း စစ်ဘေးတိမ်းရှောင်ခဲ့ရသည်။

SHARE

LEAVE A REPLY

Please enter your comment!
Please enter your name here