သျှမ်းပြည်နယ် အတွင်း မူးယစ်ဆေးဝါး ရောင်းဝယ်မှုကို ကူညီ နေသည့် တပ်မတော်ကို စုံစမ်းစစ်ဆေး အရေးယူသင့် ICG တိုက်တွန်း

0

သျှမ်းပြည်နယ် အတွင်း မူးယစ်ဆေးဝါး ရောင်းဝယ်မှု ကို ကူညီခြင်း ၊ မသိမမြင်ယောင်ဆောင်ခြင်းပြုလုပ်နေသော တပ်မတော် ကို စုံစမ်း စစ်ဆေးကာ စနစ်တကျ အရေးယူ ပြုလုပ်သင့်ကြောင်း အပြည်ပြည်ဆိုင်ရာပဋိပက္ခများ စောင့်ကြည့်ရေးအဖွဲ့ ICG က တိုက်တွန်းလိုက်သည်။

Photo credit to ABC

သျှမ်းပြည်နယ်တွင် မက်သာဖက်တမင်း ပုံဆောင်ခဲ (အိုက်စ်) (ice) ထုတ်လုပ်မှုသည် ကမ္ဘာပေါ်တွင် အကြီးဆုံး ဗဟိုချက်တခုဖြစ်ပြီး မြန်မာ နိုင်ငံတွင် သာမက အိမ်နီးချင်း များ အာရှ- ပစိဖိတ် တလွှားတွင် ပါ ကာလ တန်ဖိုး ဒေါ်လာ ဘီလီယံ ဆယ်ဂဏန်း တန်းရှိ ကြီးမားသည့် မူးယစ်ဆေးဝါး ပမဏာအများအပြားကို နှစ်စဉ်ဖမ်းမိကြောင်း “ စစ်မီး နှင့် ရေခဲ (အိုက်စ်) မြန်မာနိုင်ငံ ၏ သျှမ်းပြည်နယ်မှ ပဋိပက္ခနှင့်မူးယစ်ဆေးဝါး” ခေါင်းစဉ်ဖြင့် အစီရင်ခံစာ ထုတ်ခဲ့သည်။

အဆိုပါ အစီရင်ခံစာကို ဇန်နဝါရီ ၈ ရက် နေ့တွင် အပြည်ပြည်ဆိုင်ရာပဋိပက္ခများ စောင့်ကြည့်ရေး အဖွဲ့ ICG က ထုတ်ပြန်ထားသည်။

မူးယစ်ဆေးဝါး ထုတ်လုပ်မှုကို သျှမ်းပြည်နယ်ရှိ ဘေးကင်းလုံခြုံသော နေရာများတွင်ပြုလုပ်ကြရာ မြန်မာ့ တပ်မတော် နှင့် မဟာမိတ်ဖြစ်သည့် ပြည်သူ့စစ်များနှင့် စစ်တပ်ကဲ့သို့သော လက်နက်ကိုင် အုပ်စုငယ်များ ထိန်းချုပ်ထားသည့် နယ်မြေများ၊ အစိုးရ မဟုတ်သော လက်နက်ကိုင်အဖွဲ့များ ထိန်းချုပ်ထားသည့် နယ်မြေ များတွင် ပြုလုပ်ကြကြောင်း အဆိုပါ အစီရင်ခံစာတွင် ရေးသားထားသည်။

မူးယစ်ဆေးဝါး ရောင်းဝယ်ဖောက်ကားမှုသည် ရာဇဝတ်မှုများ နှင့် အဂတိလိုက်စားမှုများအတွက် လောင်စာ သဖွယ် ဖြစ်ပြီး ပြည်နယ်အတွင်းနှစ်ပေါင်း ကြာရှည်နေသည့် တိုင်းရင်းသားပဋိပက္ခ ချုပ်ငြိမ်းရေး ကြိုးပမ်းမှုကိုလည်း နှောင့်နှေးစေကြောင်း ဖော်ပြထားသည်။

မူးယစ်ဆေးဝါး ရောင်းဝယ်ဖောက်ကားမှုတွင် ပါဝင်နေသည့် အဓိက ကျသူများကို ပစ်မှတ်ထားရခြင်းမှာလည်း မလွယ်ကူကြောင်း၊ သျှမ်းပြည်နယ်၏ အစိတ်အပိုင်းများကို ရာဇာဝတ်မှု အကြီးစားလုပ်ဆောင်နေသောအဖွဲ့များ အတွက် လွတ်လပ်နယ်မြေများအဖြစ် ဆက်လက်ခွင့်ပြုထားခြင်းသည် ဒေသခံလက်နက်ကိုင်အဖွဲ့ များ၊ မြန်မာနိုင်ငံ အဂတိလိုက်စားသည့် အစိုးရတာဝန်ရှိသူများနှင့် ဒေသတွင်း နိုင်ငံဖြတ်ကျော် ရာဇာဝတ်မှု ကျူးလွန်နေသည့် အဖွဲ့များချိတ်ဆက်နေကြသည်ကို တွေ့ရှိကြသည်ဟု ယင်းအစီရင်ခံစာတွင် ရေးသားထားသည်။

မြန်မာ အစိုးရ အနေဖြင့် ၎င်း၏ မူးယစ်ဆေးဝါး ထိန်းချုပ်ရေး ကြိုးပမ်းမှု များကို မြှင့်တင်သင့်ပြီး၊ အသေးစား ရောင်း ဝယ်သူများနှင့် သုံးစွဲသူများ ကို အရေးယူ နေမှုများအား ရပ်ဆိုင်းကာ ရောင်းဝယ်ဖောက်ကားမှုနှင့် ဆက်စပ်နေ သော အကွက်ချ လုပ်ဆောင်သည့် ရာဇာဝတ်မှုများ၊ အဂတိလိုက်စားမှုများအပေါ် ပြန်လည်အာရုံပြု အရေးယူ သင့်ကြောင်း တိုက်တွန်းထားသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE

LEAVE A REPLY

Please enter your comment!
Please enter your name here