ငြိမ်းချမ်းရေးဖြစ်စဉ်ဆောင်ရွက်နေချိန် ပဋိပက္ခ ပိုဖြစ်ပွားနေ

0

စစ်ပွဲများရပ်တန့်ဖို့ ငြိမ်းချမ်းရေးဖြစ်စဉ် ဆောင်ရွက်နေသော်လည်း ပဋိပက္ခများပို ဖြစ်ပွားနေသည် ဟု WLB အမျိုးသမီးများအဖွဲ့ချုပ်(မြန်မာနိုင်ငံ) က ပြောသည်။

အဆိုပါ ပြောဆိုချက်သည် အမျိုးသမီးများအဖွဲ့ချုပ် (မြန်မာနိုင်ငံ) သည် ဒီဇင်ဘာ ၉ ရက်နေ့တွင် ၁၉ နှစ်ပြည့်နေ့ အထိမ်းအမှတ်အနေဖြင့် တောင်းဆိုလိုက်ခြင်းဖြစ်သည်။

ပြည်တွင်းစစ်ကြီး အပြီးသတ်ချုပ်ငြိမ်းရန် ရည်ရွယ် ၍ ငြိမ်းချမ်းရေး ဖြစ်စဉ်ကို ဆောင်ရွက်နေသော်လည်း လက်တွေ့မှာ ပဋိပက္ခချုပ်ငြိမ်းရေး ကို ဖြေရှင်းနိုင်ခြင်းမရှိသည့်အပြင် ပိုဖြစ်ပေါ်စေရန် တွန်းအားပေးနေသည်ဟု အမျိုးသမီးများအဖွဲ့ချုပ်(မြန်မာ နိုုင်ငံ) က သုံးသပ်ပြောဆိုလိုက်သည်

ငြိမ်းချမ်းရေး ဖြစ်စဉ်တွင် လက်နက်ကိုင် ပဋိပက္ခ များ၏ ဓားစာခံ အဖြစ်ခံနေရသော အမျိုးသမီးထု၏ ကိုယ်စား ပြုမှုသည် ဆုံးဖြတ်ချက်ချမှတ်သည့်နေရာများတွင် လုံလောက်စွာ ရှိမနေကြောင်း၊ ငြိမ်းချမ်းရေး ဖြစ်စဉ်တွင် တန်းတူရေး ကို အခြေမခံသည့်အပြင် အားလုံးပါဝင်မှု မရှိဘဲ ဆောင်ရွက်ပါက ဟန်ပြ ငြိမ်းချမ်ေးရး သာ ဖြစ်မည်၊ ရေရှည်တည်တံ့ခိုင်မြဲသည့် ငြိမ်းချမ်းရေး အလှမ်းဝေးနေဦးမည် ဟု လည်း အမျိုးသမီးများအဖွဲ့ (မြန်မာနိုင်ငံ) က ထောက်ပြပြောဆိုလိုက်သည်။

စစ်ပွဲကြောင့် အမျိုးသမီးများမုဒိမ်းမှုကျင့်ခံရခြင်း၊ သတ်ဖြတ်ခံရခြင်း၊ ညှင်းပန်းနှိပ်စက်ခံရခြင်း၊ အတင်းအဓမ္မ လုပ်အားစေခိုင်းခံရခြင်း၊ ပေါ်တာဆွဲခံရခြင်း၊ အခြားလိင်ပိုင်းဆိုင်ရာ အကြမ်းဖက်ခံရခြင်းတို့မှ ယနေ့ကာလထိ ခံစားနေရသည် ဟု အမျိုးသမီး များအဖွဲ့ချုပ် (မြန်မာနိုင်ငံ) ၏ ၁၉ နှစ်ပြည့်ထုတ်ပြန်ချက်တွင် ရေးသားထားသည်။

ထို့အပြင် ၂၀၁၈ ခုနစ်တွင် သျှမ်းပြည်နယ် အတွင်း မြန်မာတပ်မတော် နှင့်တိုင်းရင်းသားဖြစ်သည့် တိုက်ပွဲသာမက တိုင်းရင်းသားအချင်းချင်းသာဖြစ်သည့် တိုက်ပွဲများကလည်း ရှိနေသဖြင့် လူ့အခွင့်အရေးချိုးဖောက်မှုက ပိုများလာ ကြောင့် သျှမ်းအမျိုးသမီးရေးရာ ဆက်သွယ်လှုပ်ရှားဆောင်ရွက်ရေး ( SWAN)၏ စစ်တမ်း ကောက်ချက် အရ သိရသည်။

“ ဒီနှစ်အတွင်း သျှမ်းပြည်နယ်မှာ တိုက်ပွဲတွေ ပိုများလာတယ်။ တိုက်ပွဲတွေက ရွာ အနီးတဝှိက်မှာ ဖြစ်နေတဲ့ အတွက် လက်နက်ကိုင်တွေက ရွာသားတွေကို ဖမ်းဆီးမှုတွေ ပြုလုပ်တယ်။ အဲ့မှာ အမျိုးသမီးပါတယ်။ ဒေသခံတွေရဲ့ လွတ်လပ်မှုကို ပိတ်ပင်ထားတယ်” ဟု SWAN မှ သတင်းပြန်ကြားရေးနှင့် မှတ်တမ်းတင်ရေး မှ နန်းခမ်းအွန် က ပြောသည်။

ဆက်လက်ပြီး လက်ရှိ တိုင်းရင်းသားနယ်မြေမှာ ဖြစ်ပွားနေသည့် တိုက်ပွဲများရပ်ဆိုင်မှသာ အရပ်သားပြည်သူများ၊ အမျိုးသမီးများ၏ ဘဝလုံခြုံမှု၊ ဒေသဖွံ့ဖြိုးမှုများ၊ ကလေးပညာရေး၊ လယ်ယာစိုက်ပျိုးရေးများ ကောင်းမွန်စွာ လုပ်ဆောင်နိုင်မည် ဟု နန်းခမ်းအွန် က ပြောသည်။

ရေရှည်တည်တံ့ခိုင်မြဲသည့် ငြိမ်းချမ်းရေး ကို တည်ဆောင်နိုင်ရန် အတွက် တိုင်းရင်းသား ဒေသအသီးသီး တွင် စစ်ပွဲများရပ်တန့်ရန် အမျိုးသမီး များအဖွဲ့ချုပ် (မြန်မာ နိုင်ငံ) က တောင်းဆိုလိုက်သည်။

စစ်ပွဲများအတွင်း ခံစားခဲ့ရသည့် ပြည်သူများ၏ ဘဝ ရပ်တည်ရှင်သန်နိုင်ရန် အတွက် တိုင်းရင်းသားဒေသ အသီးသီးတွင် တိုးချဲ့ထားသည့် အစိုးရတပ်မတော် များ နောက်ဆုတ်ပေးရန် လည်း တောင်းဆိုထားသည်။

အမျိုးသမီးများသည် မြန်မာနိုင်ငံတွင် နှစ်ပေါင်း(၇၀) ကျော်ကြာ ပြည်တွင်းစစ်ကြီး၏ ဆိုးဒဏ် ကိုခါးစည်းခံ လာရသည့်မှာ ယနေ့ထိဖြစ်သည်။

SHARE

LEAVE A REPLY

Please enter your comment!
Please enter your name here