ကိုးရီးယားသူအလောင်းအားတွေ့ရှိပါက ဆုငွေ ဒေါ်လာ ၅ ထောင်ချီးမြှင့်မည်ဟုဆွေမျိုးများကြေငြာ

0

သျှမ်းပြည်မြောက်ပိုင်း သီပေါမြို့နယ်တွင် နမ္မတူမြစ်အတွင်း မျောပါပျောက်ဆုံးနေသော ကမ္ဘာလှည့်ခရီးသွား ကိုးရီးယားသူအလောင်းအားတွေ့ရှိပါက ဆုငွေ ဒေါ်လာ ၅ ထောင်ချီးမြှင့်မည်ဟု သူမ ၏ ဆွေမျိုးများက ကြေငြာထားကြောင်းသိရသည်။

Photo by – Website DVB/ နမ္မတူမြစ်အတွင်း မျောပါပျောက်ဆုံးနေသော ကမ္ဘာလှည့်ခရီးသွား ကိုးရီးယားသူ Miss Houng Young Heo

အသက် ၄၅ နှစ်အရွယ်ခန့်ရှိ Miss Houng Young Heo အမည်ရ ကိုးရီးယားသူတဦးသည် နို၀င်ဘာလ ၂၃ ရက်ကတည်းက သီပေါမြို့နယ်အတွင်း နမ္မတူမြစ်အတွင်း ရေဆင်းဆော့ရာမှ ပျောက်ဆုံးသွားခဲ့သည်။

သီပေါမြို့နယ် ကျားခေါင်းပါတီအတွင်းအရေးမှူး စိုင်းလောဝ်ဆိုင်က – ဟုတ်ပါတယ် ဆုငွေ ဒေါ်လာ ၅၀၀၀ ပေးမယ်လို့ ကြေငြာထားပါတယ်။ တကယ်တော့ သူပျောက်ဆုံးသွား ကတည်းက ဒေသခံတွေရော အာဏာပိုင်တွေရော လူမှုကူညီရေးအသင်းအဖွဲ့တွေရော နေ့တိုင်းရှာဖွေနေပါတယ်။ ကနေ့အထိရှိဖွေနေတုန်းပါ- ဟု သျှမ်းသံတော်ဆင့်အားပြောသည်။

ဒီဇင်ဘာလ ၁ ရက်နေ့က နမ္မတူမြစ်အတွင်း ချောင်းဆုံအနီး ပုပ်ပွပျက်စီးနေသောအလောင်းတလောင်းတွေ့ရှိခဲ့ကြောင်း နယ်စည်းမခြား ပရဟိတ လူမှုကူညီရေးအဖွဲ့က ကိုမျိုးကပြောသည်။

အဆိုပါအလောင်းအား ဆေးရုံတွင် DNA စစ်ဆေးခဲ့ပြီးနောက် ပျောက်ဆုံးနေသော ကိုးရီးယားသူ၏အလောင်းမဟုတ်ကြောင်း လွန်ခဲ့သော ၃ လ ကတည်းကရေနစ်သေဆုံးခဲ့သော အမျိုးသားတဦး၏ အလောင်းဖြစ်ကြောင်းဆေးစစ်ချက်ထွက်ရှိလာခဲ့သည်။

ပျောက်ဆုံးသူအမျိုးသမီးမှာ ကိုးရီးယားနိုင်ငံ လေယာဉ်ပြုပြင်ရေးဌာနမှ အင်ဂျင်နီယာ ဖြစ်ကြောင်း နိုဝင်ဘာ ၂၃ ရက်က နိုင်ငံခြားသားအဖော် ၅ ဦးနှင့်အတူ ရေဆင်းကစားရာမှ ရေနှင့်မျောပါကာ ပျောက်ဆုံးသွားခြင်းဖြစ် ကြောင်း၊ ၄င်းရေနစ်သည့်နေရာသည် သီပေါမြို့နှင့်မိုင် ၄၀ ကျော်အကွာ ကန့်သတ်ထား သည့်နေရာ တွင်ဖြစ်ကြောင်း သိရသည်။

SHARE

LEAVE A REPLY

Please enter your comment!
Please enter your name here