လဲချားမြို့နယ် SNLD ပါတီမြို့နယ်အထွေထွေအတွင်းရေးမှူး စိုင်းမိုင်းဇင့် ကွယ်လွန်

0

သျှမ်းပြည်တောင်ပိုင်းလဲချားမြို့နယ် ကျားခေါင်းပါတီ မြို့နယ်အထွေထွေအတွင်းရေးမှူး စိုင်းမိုင်းဇင့် သည် နှလုံးရောဂါဖြင့် ကွယ်လွန်သွားခဲ့သည်။

Photo by Kyaw Zayya /လဲချားမြို့နယ် SNLD ပါတီမြို့နယ်အထွေထွေအတွင်းရေးမှူး စိုင်းမိန်းစင့်

အောက်တိုဘာလ ၁၅ ရက်နေ့ မနက် ၅ နာရီက လဲချာမြို့နယ် ကျားခေါင်းပါတီ မြို့နယ်အထွေထွေအတွင်းရေးမှူး စိုင်းမိုင်းဇင့် အသက် ၄၁ နှစ်သည် လဲချားရပ်ကွက် ၂ ရှိ ၄င်းနေအိမ်တွင် ရုတ်တရက်ကွယ်လွန်ခဲ့ခြင်းဖြစ်ကြောင်း သိရသည်။

လဲချားမြို့နယ် ပြည်နယ်လွှတ်တော်အမတ် စိုင်းကျော်ဇေယျက – သူက စိတ်ကျရောဂါလို့လည်းဆိုနိုင်ပါတယ်။ ဒါမယ့်အကောင်းကြီးကနေ မနေ့ညက ရုတ်တရုတ်ဆုံးသွားတာ။ ကျနော်တို့အတွက်တော့ အကြီးမားဆုံး ဆုံးရှုံးမှုပေါ့ဗျာ။ စိုင်းမိန်းစင်ဟာ အချိန်မှန်တယ်။ ကြိုးစားမှုရှိတယ်။ မျိုးချစ်စိတ်ဓါတ်ထက်မြက်တယ်။ သူဟာ လူမှုရေးလုပ်ငန်းတွေမှာလည်း တက်ကြွစွာကူညီဆောင်ရွက်ပေးတယ်။ သူအရက်လည်းမသောက်ဘူး။ မူးယစ်ဆေးလည်းမသုံးဘူး။ ဆေးလိပ်လည်းကင်းတယ်။ သူအခုလို ရုတ်ချည်းဆုံးသွားတဲ့အပေါ် လုံးဝ စိတ်မကောင်းဖြစ်မိတယ်။ သူလိုလူ က ရှာရခက်ပါတယ်- ဟု သျှမ်းသံတော်ဆင့်အားပြောသည်။

စိုင်းမိုင်းဇင့် သည် လဲချားမြို့နယ်၏ ကျားခေါင်းပါတီအတွင်းရေးမှူးအဖြစ် ၂၀၁၅ ခုနှစ်က တာဝန်ထမ်းဆောင်ခဲ့သည်။ လက်ရှိတွင် ဇနီးဖြစ်သူ နန်းလှယဉ်နှင့် သားတဦး သမီးတဦးကျန်ရစ်ခဲ့သည်။


၄င်း၏ ကြွင်းကျန်သော ရုပ်အလောင်းအားအောက်တိုဘာလ ၁၇ ရက်နေ့ တွင် လဲချားမြို့သုသာန်၌သဂြိုဟ်မည်ဖြစ်ကြောင်းသိရသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE

LEAVE A REPLY

Please enter your comment!
Please enter your name here