မြန်မာနိုင်ငံလူကုန်ကူးမှု တိုက်ဖျက်ရေးနေ့အခန်းနားကို သျှမ်းပြည်နယ်တောင်ပိုင်း တောင်ကြီးမြို့ရှိ မြို့တော်ခန်းမတွင် ကျင်းပခဲ့ပါသည်။

စက်တင်ဘာလ ၁၃ ရက်တွင်ကျရောက်သောလူကုန်ကူးမှု တိုက်ဖျက်ရေးနေ့ တွင် နံနက် ၉:၀၀ တွင်ကျင်းပခဲ့ရာ ပြည်နယ်လွှတ်တော်ဥက္ကဌ ပြည်နယ်တရားသူကြီးချုပ် ၊ အရှေ့ပိုင်းတိုင်းစစ်ဌာနချုပ်တိုင်းမှူး ၊ပြည်နယ်အစိုးရအဖွဲ့ ဝင်ဝန်ကြီးများ၊ ပြည်သူများ၊ တိုင်းရင်းသားအဖွဲ့၊ သားဖွားအဖွဲ့ နှင့် မီဒီယာအဖွဲ့များတက်ရောက်ခဲ့ပါသည်။

တက်ရောက်သူပေါင်းတစ်ထောင်နီးပါးရှိသည့် ၎င်းအခန်းအနားတွင် ဝန်ကြီးချုပ်ဒေါက်တာလင်းထွဋ် မှမိန့်ခွန်းပြောကြားခဲ့ပြီး ပညာရေးကောလိပ်မှ “ရည်မှန်းချက်ပန်းတိုင်” အသိပညာပေးဇာတ်လမ်းသရုပ်ဖော်တင် ဆက်ပေး ခဲ့ပါသည်။

၂၀၁၇-၂၀၁၈ခုနှစ်တွင် လူကုန်ကူးခံရသူ ကျား(၆)ဦး မ(၁၆၉)ဦး၊ ပေါင်း(၁၇၅)ဦး အတွက်(တစ်ရာကိုးဆယ့် ခုနှစ်သိန်းတိတိ)ကိုထောက်ပံ့ပေးခဲ့ကြောင်းသိရသည်။

“မြန်မာနိုင်ငံရဲ့လူကုန်ကူးမှုမှာ တွေ့ကြုံရင်ဆိုင်နေရတဲ့ စိန်ခေါ်မှုများအနေနဲ့ ပြည်ပမှာ ခိုအောင်းနေတဲ့ လူကုန်ကူးသူတွေကို ဖမ်းဆီးဖို့ခက်ခဲခြင်း၊ နေရက်ပြန်ရောက်လာတဲ့ လူကုန်ကူးခံရသူ တွေအတွက် ပိုမိုခိုင်မာတဲ့ အလုပ်အကိုင် အခွင့်အလမ်း တွေ တည်ဆောက်ပေးဖို့လိုအပ်နေခြင်း၊ ပြည်ပနိုင်ငံကိုရောက်နေတဲ့ လူကုန်ကူးခံရတာတွေကို အချိန်မီကယ်တင်နိုင်ဖို့ ခက်ခဲနေခြင်းစတဲစြိန်ခေါ်မှုတွေရှိနေပါတယ်” ဟု သျှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဒေါက်တာ လင်းထွဋ််မှမိန့်ခွန်းပြောကြားခဲ့ကြောင်းသိရသည်။

လူကုန်ကူးမှုပုံစံများကို ကြည့်လျှင်လိင်ပိုင်းဆိုင်ရာခေါင်းပုံဖြတ်မှု ၅၃%၊ အဓမ္မခိုင်းစေမှု ၃၈%၊အခြားပုံစံ၈% ပါဝင်ကြောင်းသိရသည်။

“လူကုန်ကူးခံရတဲ့သူတွေ အခုသူတို့ပြန်လာတဲ့အခါမှာ သူတို့ဘဝရပ်တည်ဖို့ခက်ခဲတဲ့အတွက် လိုအပ်တာလေးတွေကို သူတို့ကိုပြန်လည်ထူထောင်ဖို့လုပ်ငန်းတွေလုပ်ပေးတယ် ဝက်မွေးချင်တဲ့သူဆို ဝက်မွေးမြူရေးလုပ်ပေးတယ် သက်ချုပ်ချင်တဲ့ဆိုအပ်ချုပ်စက်ပေးတယ် ကွမ်းယာဆိုင်တို့ လက္ဖက်ရည်ဆိုင်တို့ သူတို့ပြန်လည်ထူထောင်ဖို့ လုပ်ပေးပါတယ်” ဟု အမှတ် ၁၅ လူကုန်ကူးမှုတားဆီးနှိမ်နှင်းရေး ရဲတပ်ဖွဲ့ စု (တောင်ကြီး)မှ ဒုရဲမှူးမျိုးကိုကိုမှ ပြောကြားခဲ့ပါသည်။

၄င်းအခန်းအနားသည် မြန်မာနိုင်ငံ၏ ဆဌမကြိမ်မြောက် လူကုန်ကူးမှု တိုက်ဖျက် ရေးနေ့ အခမ်းအနား ဖြစ်ကြောင်းသိရသည်။ ၂၀၁၆ ထုတ်ပြန်ချက်အရ လူကုန်ကူးခံရ သူများကိုခွဲခြား စိစစ်ခဲ့ရာ အမျိုးသမီး ပါ၀င်မှု ၅၁ ရာခိုင်နှုန်း အမျိုးသား ၂၁ ရာခိုင်နှုန်း ၊ကလေးသူငယ်(အမျိုးသမီး)၂၀ ရာခိုင်နှုန်း၊ ကလေးသူငယ်(အမျိုးသား) ၈ ရာခိုင်နှုန်းရှိကြောင်းသိရသည်။

မြန်မာနိုင်ငံသည် ၁၉၉၇ ခုနှစ်မှစပြီး လူကုန်ကူးမှုတိုက်ဖျက်ရေးကို အမျိုးသားရေး တာဝန်တစ်ရပ်အဖြစ် သတ်မှတ်ကာ ဆောင်ရွက်ခဲ့ကြောင်း သိရသည်။ ပြည်တွင်းလူကုန်ကူးမှုသည် ၁၅ ရာခိုင်နှုန်းသာရှိပြီး ပြည်ပလူကုန်ကူးမှုမှာ၈၅ ရာခိုင်နှုန်းရှိကြောင်းသိရသည်။မြန်မာနိုင်ငံမှလူကုန်ကူးမှုများသည် အိမ်နီးနားခြင်းနိုင်ငံဖြစ်သည့် တရုတ်၊ထိုင်း၊မလေး ရှားစသောနိုင်ငံများကိုလူကုန် ကူးခဲ့ရာ တွင် တရုတ််နိုင်ငံတွင် အများဆုံးဦးတည်ကြောင်းသိရသည်။