သျှမ်းပြည်မြောက်ပိုင်း သီပေါမြို့နယ် နမ့်လန်အုပ်စုဝင် မန်လီရွာ ရှိ အစိုးရတပ်မတော် ခမရ ၁၇ တပ်ရင်း တံခါးဂိတ်ကို ၀င်ရောက်ပစ်ခတ်တိုက်ခိုက်ရာ တယောက်သေဆုံးသွားရသည်။
စက်တင်ဘာလ ၁၃ ရက် မန်လီစျေးနေ့ယနေ့မနက်ပိုင်းက ပစ်ခတ်တိုက်ခိုက်မှုဖြစ်ပွါးခဲ့ခြင်းဖြစ်ပြီး အစိုးရတပ်သားဘက်က တယောက်သေ တယောက်ဒဏ်ရာရရှိကာ နမ့်လန်ဆေးရုံသို့ ပို့ဆောင်ကုသရကြောင်း နမ့်လန်ဒေသခံ စိုင်းအိုက်ခမ်း ကပြောသည်။
စျေးနေ့ဆိုတော့ စျေးလည်းပျက်သွားတာပေါ့။ ရွာနားမှာဘဲဖြစ်တယ်ထင်တယ်။ ရွာဘက်တောင် ကျည်ခွံတွေတွေ့ရတယ်လို့ကြားတယ်။ ပစ်ခတ်မှု ဖြစ်ပွားတဲ့ နောက် တပ်အနီး ပြောင်းခြံ ၁၀ ဧက ကျော်ကို တပ်က ဘူဒိုဇာစက်ကြီးနဲ့ထွန်ပစ်လိုက်တယ်၊ ယာပိုင်ရှင်က မျက်ရည်နဲ့ မျက်ခွက်နဲဲ့ပေါ့ – ဟု စိုင်းအိုက်ခမ်းကပြောသည်။
ထိုပစ်ခတ်မှုသည် မည့်သည့်လက်နက်ကိုင်အဖွဲ့အစည်းအစည်းမှ လာရောက်ပစ်ခတ်သွားသည်ကိုမသိရှိရသေးကြောင်း၊ ထိုအနီးအနားတွင် ယခင်လကလည်း ဒေသခံ များအား ချောင်းမြောင်းပစ်ခတ်မှု သုံးကြိမ်ထက်မနည်းဖြစ်ပွားခဲ့သည်။
မန်လီရွာသည် နမ့်လန်ကျေးရွာအုပ်စုတွင်ပါ၀င်ပြီး သီပေါမြို့ တောင်ဘက် မိုင် ၅၀ ခန့်အကွာတွင်တည်ရှိပါသည်။
Leave a Comments