တရုတ်နိုင်ငံအတွင်းရောက်ရှိအလုပ်လုပ်ကိုင်နေသော သျှမ်းပြည်သား ရွှေ့ပြောင်း အလုပ်သမားများစုပေါင်းကာ သျှမ်းပြည်တပ်မတော် RCSS/SSA အတွက် ကျပ်ငွေ သိန်း ၆၀ ခန့် ရှိ ငွေနှင့်ပစ္စည်းများ တာဝန်ရှိသူများထံ ပေအပ်ခဲ့သည်ဟုသိရသည်။

တရုတ်ယွမ်ငွေ ၂၉၀၀၀ (မြန်မာငွေတန်ဖိုးကျပ်သိန်း ၆၀ နီးပါး) တန်ဖိုးရှိ အဝတ်အစားများ၊ ရိက္ခာများ၊ အသုံးအဆောင်ပစ္စည်းများကို RCSS/SSA တပ်ထုများအတွက် နို၀င်ဘာလ ၂၃ ရက်နေ့က ပေးအပ်ခဲ့ခြင်းဖြစ်ကြောင်းသိရသည်။

“သျှမ်းရွှေ့ပြောင်းအလုပ်သမားများစုပေါင်းဖွဲ့စည်းထားသည့် သျှမ်းအမျိုးသားရေးကူညီထောက်ပ့ံရေးအဖွဲ့၏ အမှုဆောင်အဖွဲ့ဝင်တဦးက – ကျနော်တို့ ဒီဘက်မှာအလုပ်လာလုပ်တဲ့ သျှမ်းအဖွဲ့ကနေ RCSS/SSA ကို အဝတ်အစားတွေ အစားအသောက်တွေကို တတ်စွမ်းသလောက်အင်အားလေးနဲ့ ကူညီထောက်ပံ့မှုပေး အပ်လာတာ ရ ကြိမ်မြောက်ရှိပါပြီ။ ကျနော်တို့ သျှမ်းအမျိုးသားရေးအတွက် လုပ်နေတဲ့သူတွေ စိတ်ဓါတ်ခွန် အားတွေ ပိုမိုထက်သန်လာစေဖို့အတွက်ရည်ရွယ်ပါတယ်။ ကျနော်တို့ သူများဆီမှာ အလုပ်လာလုပ်နေပေမယ့်လည်းဘဲ ကိုယ့်အမျိုးသားရေးအတွက်လုပ်နေတဲ့ ပုဂ္ဂိုလ်တွေကိုမမေ့ပါဘူး ဆိုတာကိုပြချင်တဲ့သဘောနဲ့ တတ်စွမ်းနိုင်သလောက် မိမိခွန်အားနဲ့ရင်းပြီး ရလာတဲ့ငွေလေးတွေ ကို စုပေါင်းပြီး တတ်နိုင်တဲ့ဘက်က ကူညီထောင်ပံ့တာပါ”- ဟု သျှမ်းသံတော်ဆင့်အားပြောပြသည်။

တရုတ်နိုင်ငံအတွင်းရောက်ရှိအလုပ်လုပ်ကိုင်နေသော သျှမ်းအဖွဲ့အနေဖြင့် လာမည့်နှစ်များတွင်လည်း အလှူငွေများစုစည်းကာ အမျိုးသားရေးအတွက်ဆက်လက်ထောက်ပ့ံပေးသွားမည်ဖြစ်ကြောင်းသိရသည်။

ထိုင်းနိုင်ငံဘက်တွင်လည်း ထိုကဲ့သို့ ပူးပေါင်းဆောင်ရွက်သည့် ကူညီထောက်ပံ့မှု အသင်းဖွဲ့စည်းကာ ကူညီထောက်ပံ့မှုအတွက်ရလာသည့်ငွေကြေးများ၊ ပစ္စည်းများ၊ ဆန်ဆီ၊ ဆားများ လစဉ်လတိုင်း RCSS/SSA လွိုင်တိုင်းလျဲန်း ဌာနချုပ်သို့ လစဉ် ထောက်ပံ့အပ်နှံမှုများ ရှိသည်။